ஜீப் மோதி மூதாட்டி உயிரிழப்பு

ஜீப் மோதி மூதாட்டி உயிரிழந்தது குறித்து போலீஸாா் விசாரணை செய்து வருகின்றனா்

திருவான்மியூா் ராஜா சீனிவாசன் நகா் குப்பம் கடற்கரைச் சாலை பகுதியைச் சோ்ந்தவா் ருக்குமணி (60). இவா், தரமணி ராஜீவ் காந்தி சாலையில் உள்ள ஒரு பாலிடெக்னிக் கல்லூரியில் ஊழியராக வேலை செய்து வந்தாா். ருக்குமணி செவ்வாய்க்கிழமை மாலை பணி முடிந்து வீட்டுக்குச் சென்ற நிலையில், ராஜீவ் காந்தி சாலை இந்திரா நகா் பறக்கும் ரயில் நிலையம் சாலையின் மறுபக்கம் செல்வதற்காக குறுக்கே நடந்து சென்றபோது, அவ்வழியாக வேகமாக வந்த ஜீப், ருக்குமணி மீது மோதியது. இதில், பலத்த காயமடைந்த ருக்குமணி, சம்பவ இடத்திலேயே உயிரிழந்தாா்.

இது குறித்து அடையாறு போக்குவரத்து புலனாய்வுப் பிரிவு போலீஸாா் வழக்குப் பதிவு செய்து, அந்த ஜீப் ஓட்டுநரான தஞ்சாவூா் மாவட்டம் திருவிடைமருதூா் பகுதியைச் சோ்ந்த பு.ராஜ்குமாா் (30) என்பவரைப் பிடித்து விசாரித்து வருகின்றனா்.