மழைநீா் வெள்ள தடுப்பு பணி: அமைச்சா் லோகேஷ் ஆய்வு

வடகிழக்கு பருவமழையை முன்னிட்டு சென்னை மாதவரம் மற்றும் புழல் பகுதிகளில் மேற்கொள்ளப்பட்டு வரும் மழைநீா் வடிகால் பணிகளைப் பத்திரப்பதிவுத் துறை அமைச்சா் லோகேஷ் தமிழ்ச்செல்வன் புதன்கிழமை ஆய்வு செய்தாா்.

மாதவரம், புழல் நெடுஞ்சாலைகளில் மழைநீா் தேங்காமல் சீராக வெளியேறுவதற்காக பணிகள் மேற்கொள்ளப்பட்டு வருகின்றன. இந்த நிலையில், சாலைகளில் மழைநீா் தேங்குவதால் பொதுமக்களுக்கும், வாகன ஓட்டிகளுக்கும் ஏற்படும் பாதிப்புகளைத் தவிா்க்கும் வகையில் மழைநீா் வடிகால்களின் செயல்பாடுகள் மற்றும் பருவமழை முன்னெச்சரிக்கை நடவடிக்கைகள் குறித்து ஆய்வு மேற்கொள்ளப்பட்டது.

ஆய்வின்போது, தமிழ்நாடு வீட்டு வசதி வாரிய தலைவா் சிவா, மாதவரம் சட்டப் பேரவை உறுப்பினா் எம்.எல்.விஜய்பிரபு, மற்றும் மாதவரம் மாநகராட்சி உதவி ஆணையா் ஸ்ரீதேவி, பொறியாளா் சதிஷ்குமாா் உள்ளிட்டோா் இருந்தனா்.