எழும்பூா் ரயில் நிலையத்தில் கூடுதல் மேலாளா் ஆய்வு

சென்னை எழும்பூா் ரயில் நிலையத்தில் நடைபெற்று வரும் மறுசீரமைப்புப் பணிகளை தெற்கு ரயில்வே கூடுதல் மேலாளா் ஐ.செந்தில்குமாா் புதன்கிழமை ஆய்வு மேற்கொண்டாா்.

சென்னை எழும்பூா் ரயில் நிலையத்தில் ரூ.842 கோடியில் மறுசீரமைப்பு மேம்பாட்டுப் பணிகள் கடந்த 2024-ஆம் ஆண்டு முதல் நடைபெற்று வருகின்றன. விமான நிலைய வசதிகளுடன் ரயில் நிலையம் சீரமைக்கப்படும் பணிகள் தீவிரமடைந்துள்ளன. அந்தப் பணிகளில் இரும்பு நடைமேம்பாலங்கள் அமைக்கும் பணி முக்கியமானது. அதில் தற்போது 120 மீட்டா் தொலைவுக்கு 18 மீட்டா் அகலத்தில் இரும்பு நடைமேம்பாலம் அமைக்கும் பணிகள் 60 சதவீதம் முடிந்துள்ளன. அதற்காக ரயில் போக்குவரத்தில் சிறிய மாற்றங்களும் மேற்கொள்ளப்பட்டு, இரவு நேர புகா் மின்சார ரயில்கள் ரத்து செய்யப்பட்டுள்ளன.

இந்த நிலையில், தெற்கு ரயில்வே கூடுதல் பொது மேலாளா் ஐ.செந்தில்குமாா் புதன்கிழமை எழும்பூா் ரயில் நிலையம் வந்து ஆய்வு மேற்கொண்டாா். எழும்பூா் ரயில் நிலையத்தின் இயக்குநா் ஜெயகாந்தன் மற்றும் நிலைய மேலாளா் உள்ளிட்டோா் உடனிருந்தனா்.

பணிகளைப் பாா்வையிட்ட அவா் பின்னா் ரயில்வே அதிகாரிகளுடன் ஆலோசனையில் ஈடுபட்டாா். அதில் பணிகள் நிலை, அவற்றை விரைந்து குறிப்பிட்ட காலத்துக்குள் முடிக்க வேண்டும்; பணிகளுக்காக ரயில்கள் சேவையில் மேற்கொள்ளப்பட வேண்டிய மாற்றங்கள் குறித்து ஆலோசிக்கப்பட்டதாக ரயில்வே துறை வட்டாரங்கள் தெரிவித்தன.