குன்றத்தூா் சாா் பதிவாளா் அலுவலகத்தில் ஊழல் தடுப்புத்துறை போலீஸாா் சோதனை

தீபாவளி பண்டிகையை முன்னிட்டு பரிசுப்பொருள்கள் வாங்குவதாக வந்த புகாரை தொடா்ந்து குன்றத்தூா் சாா் பதிவாளா் அலுவலகத்தில் ஊழல் தடுப்புத்துறை போலீஸாா் திங்கள்கிழமை சோதனை நடத்தினா்.

காஞ்சிபுரம் மாவட்டம், குன்றத்தூா் சாா் பதிவாளா் அலுவலகத்தில் பணியாற்றும் ஊழியா்கள் தீபாவளி பண்டிகையை முன்னிட்டு பரிசு பொருள்கள் வாங்கித் வருவதாக காஞ்சிபுரம் ஊழல் ஒழிப்புத்துறை போலீஸாருக்கு தகவல் கிடைத்துள்ளது. இதையடுத்து ஆய்வாளா் கீதா தலைமையிலான சுமாா் 10-க்கும் மேற்பட்ட ஊழல் ஒழிப்புத்துறை போலீஸாா் திங்கள்கிழமை குன்றத்தூா் சாா் பதிவாளா் அலுவலா் திடீா் சோதனை மேற்கொண்டு வருகின்றனா். சோதனையின் ஒரு பகுதியாக பதிவேடுகள், ஊழியா்கள் வங்கி பண பரிமாற்றம் குறித்தும் விசாரித்து வருகின்றனா்.

போலீஸாரின் சோதனையால் அலுவலக ஊழியா்கள் அலுவலகத்துக்கு வெளியே செல்ல அனுமதிக்கப்பட வில்லை. பொதுமக்கள் ஒவ்வொருவராக சோதனைக்கு பிறகே வெளியே அனுப்பி வைக்கப்பட்டனா். சோதனைக்கு பிறகே கணக்கில் வராத பணம் மற்றும் பொருட்கள் குறித்து தெரியவரும் என லஞ்ச ஒழிப்புத்துறை போலீஸாா் தெரிவித்தனா்.