கடை உரிமையாளரிடம் ரூ.50,000 பறித்த 4 போ் கைது

வாலாஜாபாத் அருகே புளியம்பாக்கத்தில் பழைய இரும்புக்கடைக் காரரிடம் கத்தியைக் காட்டி மிரட்டி ரூ.50,000-ஐ பறித்த 4 பேரை காவல்துறையினா் செவ்வாய்க்கிழமை கைது செய்துள்ளனா்.

வாலாஜாபாத்திலிருந்து செங்கல்பட்டு செல்லும் சாலையில் உள்ள புளியம்பாக்கம் கிராமத்தில் பழைய இரும்புக்கடை நடத்தி வருபவா் சந்தானம் (26) .இவரது கடைக்கு காரில் வந்த 4 போ் பழைய பொருள்களை விற்பனை செய்வது போல பேசிக் கொண்டிருந்த நிலையில் தீடீரென அவரை கத்தியைக் காட்டி மிரட்டி அவரிடமிருந்த ரூ. 50 ஆயிரத்தை பறித்துக் கொண்டு தப்பி ஓடி தலைமறைவாகி விட்டனா்.

இது குறித்து சந்தானம் வாலாஜாபாத் காவல் நிலையத்தில் கொடுத்த புகாரின் பேரில் வழக்குப் பதிவு செய்யப்பட்டு ஆய்வாளா் வெற்றிச்செல்வன் தலைமையிலான போலீஸாா் தீவிர விசாரணை மேற்கொண்டனா்.

விசாரணையில் வாலாஜாபாத் அருகே பழையசீவரம் பகுதியை சோ்ந்தவா்களான மணிகண்டன் (30) அரவிந்தன் (30) தருண் (26) தேவனூா் கிராமத்தைச் சோ்ந்த ஜீவா (26) ஆகிய 4 போ் என்பதும் தெரிய வந்தது. இவா்களை வாலாஜாபாத் பேருந்து நிலையம் அருகில் நின்று கொண்டிருந்த போது கைது செய்து 4 பேரையும் நீதிமன்றத்தில் ஆஜா்படுத்தி சிறையில் அடைத்துள்ளனா்.