FOLLOW US

ON GOOGLE DISCOVER

✕
முகப்பு
திருப்பத்தூர்

செவிலியா் மாணவிக்கு கல்வி உதவித் தொகை அளிப்பு

வாணியம்பாடி அடுத்த அலசந்தபுரம் ஊராட்சிக்குட்பட்ட கதிரிபுரம் பகுதியை சோ்ந்தவா் சக்திவேல்(38) என்பவரின் மனைவி கோமதியும் அவரது மகள் மாணவி பிரேமலதாவும் ஆட்சியரை சந்தித்து மகளின் உயா்கல்விக்கு வங்கிக் கடன் கோரி மனு அளித்து விட்டு வெளியே வந்தனா்.

18 நவம்பர் 2026, 11:21 pm
செவிலியா் கல்வி பயிலும் மாணவிக்கு கல்வித் தொகையை வழங்கிய ஆலங்காயம் மேற்கு ஒன்றிய திமுக செயலாளா் ஞானவேலன். உடன்ஸ மாணவியின் பெற்றோா்.
பகிர்:

வாணியம்பாடி அடுத்த அலசந்தபுரம் ஊராட்சிக்குட்பட்ட கதிரிபுரம் பகுதியை சோ்ந்தவா் சக்திவேல்(38) என்பவரின் மனைவி கோமதியும் அவரது மகள் மாணவி பிரேமலதாவும் ஆட்சியரை சந்தித்து மகளின் உயா்கல்விக்கு வங்கிக் கடன் கோரி மனு அளித்து விட்டு வெளியே வந்தனா். அப்போது கோமதி திடீரென தான் மறைத்து வைத்திருந்த பெட்ரோல் எடுத்து தன் மீது ஊற்றிக் கொண்டு தீக்குளிக்க முயன்றாா்.

இதனை உடனடியாக பாதுகாப்பு பணியில் இருந்த போலீஸாா் பாா்த்து தடுத்து கோமதி மீது தண்ணீா் ஊற்றி காப்பாற்றினா். அப்போது அவா் போலீஸாரிடம் கூறும் போது, என் மகள் வேலூரில் உள்ள தனியாா் நா்சிங் கல்லூரியில் 3-ஆம் ஆண்டு படித்து வருகிறாள். எனது மகளை நான் கஷ்டப்பட்டு படிக்க வைத்து வருகிறேன்.

என் மகளுக்கு வாணியம்பாடியில் உள்ள ஒரு வங்கியில் 2 ஆண்டுகளாக கல்வி கடன் கேட்டு போராடி வருகிறேன். இதுதொடா்பாக ஆட்சியரை சந்தித்து மனு அளித்தேன். என்ன காரணத்தினாலோ வங்கி கடன் தர அதிகாரிகள் மறுக்கின்றனா் எனவே தான் தீக்குளிக்க முயன்றேன் என்று கூறி இருந்தாா்.

Advertisement

Advertisement

இதுகுறித்து அறிந்த ஆலங்காயம் மேற்கு ஒன்றிய திமுக செயலாளா் ஞானவேலன் பாதிக்கப்பட்ட மாணவி மற்றும் அவரது குடும்பத்தினரிடம் விபரங்களை கேட்டறிந்து கல்லூரிக்கு செலுத்த வேண்டிய நிலுவைத் தொகை ரூ.1.5 லட்சத்தில் முதல் கட்டமாக ரூ.60,000-ஐ வழங்கினாா். மேலும், வரும் ஆண்டுக்கு செலுத்த வேண்டிய தொகையை தானே செலுத்துவதாகவும் அவா்களிடம் உறுதியளித்தாா்.