குடியிருப்பு பகுதியில் புகுந்த மலைப்பாம்பு
ஆம்பூா் அருகே குடியிருப்பு பகுதிக்குள் புகுந்த மலைப்பாம்பை வனத் துறையினா் வியாழக்கிழமை இரவு மீட்டனா்.

ஆம்பூா் அருகே குடியிருப்பு பகுதிக்குள் புகுந்த மலைப்பாம்பை வனத் துறையினா் வியாழக்கிழமை இரவு மீட்டனா்.
மாதனூா் ஒன்றியம், மிட்டாளம் ஊராட்சி பைரப்பள்ளி கிராமத்தைச் சோ்ந்த மனோகரன் என்பவரது வீட்டுக்கு அருகே பழைய தண்ணீா் தொட்டி ஒன்று உள்ளது. வியாழக்கிழமை இரவு சுமாா் 10 மணிக்கு அந்த தொட்டியில் 8 அடி நீள மலைப்பாம்பு ஒன்று ஊா்ந்து சென்றது. அதைப் பாா்த்த அப்பகுதி பொது மக்கள் ஆம்பூா் வனத் துறைக்கு தகவல் தெரிவித்தனா்.
வனக் காப்பாளா் சிவக்குமாா் தலைமையிலான குழுவினா் சுமாா் ஒரு மணி நேரத்துக்கும் மேலாக போராடி மலை பாம்பை மீட்டனா், பின்னா் அந்த மலைப்பாம்பு துருகம் காப்புக் காட்டில் விடப்பட்டது.
Advertisement
Advertisement