முகப்பு

ரயிலில் சிக்கி இளைஞா் உயிரிழப்பு

ஜோலாா்பேட்டை அருகே ஓடும் ரயிலில் தவறி விழுந்தவா் உயிரிழந்தாா்.

5 அக்டோபர் 2026, 10:20 pm
பகிர்:

திருப்பத்தூா்: ஜோலாா்பேட்டை அருகே ஓடும் ரயிலில் தவறி விழுந்தவா் உயிரிழந்தாா்.

மேலும், ஜோலாா்பேட்டை ரயில் நிலையம் யாா்டில் ஒருவா் சடலமாக மீட்கப்பட்டு இறந்தவா்கள் யாா்? எந்த ஊரைச் சோ்ந்தவா் என்பது குறித்து போலீஸாா் விசாரணை செய்து வருகின்றனா்.

ஜோலாா்பேட்டை சோமநாயக்கன்பட்டி ரயில் நிலையங்களுக்கிடையே ஜோலாா்பேட்டை பகுதியில் இருந்து பெங்களூா் நோக்கி செல்லும் மாா்க்கத்தில் சென்ற ரயிலில் கூட்ட நெரிசல் காரணமாக படிக்கட்டில் பயணம் செய்த சுமாா் 40 வயது மதிக்கதக்க இளைஞா் ஓடும் ரயிலில் தவறி விழுந்து அடிபட்டு சம்பவ இடத்திலேயே உயிரிழந்தாா்.

Advertisement

Advertisement

இது குறித்து ஜோலாா்பேட்டை ரயில்வே போலீஸாா் சம்பவ இடத்துக்குச் சென்று சடலத்தை மீட்டு, திருப்பத்தூா் அரசு மருத்துவமனைக்கு அனுப்பி வைத்தனா்.

இதனிடையே ஜோலாா்பேட்டை ரயில் நிலைய யாா்டில் சுமாா் 55 வயது மதிக்கத்தக்க முதியவா் இறந்து கிடப்பதாக ரயில் நிலைய அதிகாரி அஜித்குமாா் கொடுத்த புகாரின்பேரில், ஜோலாா்பேட்டை ரயில்வே போலீஸாா் சம்பவ இடத்துக்கு சென்று சடலத்தை மீட்டு, திருப்பத்தூா் அரசு மருத்துவமனைக்கு அனுப்பி வைத்தனா்.

ஜோலாா்பேட்டை ரயில்வே போலீஸாா் வழக்குப் பதிந்து இறந்தவா்கள் யாா்? எந்த ஊரைச் சோ்ந்தவா்கள் என்பது குறித்து விசாரணை நடத்தி வருகின்றனா்.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.