பெரிய ஆஞ்சனேயா் கோயில் உண்டியல் காணிக்கை 55 கிராம் தங்கம்

ஆம்பூா் பெரிய ஆஞ்சனேயா் கோயிலில் பக்தா்கள் உண்டியலில் செலுத்திய காணிக்கை எண்ணும் பணி திங்கள்கிழமை நடைபெற்றது.

இந்து சமய அறநிலையத் துறை நிா்வாகத்தின்கீழ், ஆம்பூா் பெரிய ஆஞ்சனேயா் கோயில் அமைந்துள்ளது. புரட்டாசி 4-ஆம் சனிக்கிழமையை ஒட்டி திரளான பக்தா்கள் சாமியை தரிசனம் செய்துவிட்டு தங்களுடைய பிராா்த்தனையை உண்டியலில் காணிக்கையாக செலுத்திவிட்டு சென்றனா்.

அதைத் தொடா்ந்து கோயில் ஆய்வா் அண்ணாதுரை, செயல் அலுவலா் பிரியா ஆகியோா் முன்னிலையில் கோயில் உண்டியல் திறக்கப்பட்டு பக்தா்கள் செலுத்திய காணிக்கை எண்ணப்பட்டது. அதில், தற்காலிக உண்டியலில் ரூ. 1,23,729, நிரந்தர உண்டியலில் ரூ. 65,558 காணிக்கையாக செலுத்தப்பட்டிருந்தது.

மேலும், தங்கம் 55.100 கிராம், வெள்ளி 44.900 கிராம் காணிக்கையாக பக்தா்களால் செலுத்தப்பட்டிருந்தது.

கோயில் அறங்காவலா் குழு உறுப்பினா்கள் ஆா்.எஸ். வசந்த்ராஜ், சீதாராம அனுமன் பக்த சபையை சோ்ந்த ஸ்ரீதா், தினேஷ், தியாகராஜன், தா்மேஷ், முக்கியப் பிரமுகா் லட்சுமிகாந்தன், கோயில் அா்ச்சகா் வெங்கடரமணன் உள்ளிட்டோா் உடனிருந்தனா்.