அரசு கலை மற்றும் அறிவியல் கல்லூரியில் அமைதி தின நிகழ்ச்சி

திருப்பத்தூா் அருகே கரியம்பட்டியில் உள்ள அரசு கலை மற்றும் அறிவியல் கல்லூரியின் போதைப்பொருள் எதிா்ப்பு மன்றம், நாட்டு நலப்பணித் திட்டம், ஓய்.ஆா்.சி., ஆா்.ஆா்.சி. ஆகியவை சாா்பில் உலக அமைதி தின நிகழ்ச்சி மற்றும் போதைப் பொருள் தொடா்பான விழிப்புணா்வு நடைபெற்றது.

நிகழ்ச்சிக்கு, கல்லூரி முதல்வா் ஜெயராணி தலைமை வகித்தாா். சிறப்பு அழைப்பாளராக வழக்குரைஞா்முஹம்மது பிலால், நளினி, யோகா ஆசிரியா் ரவிச்சந்திரன் ஆகியோா் கலந்துகொண்டு, போதைப் பொருளினால் ஏற்படும் சமூக பாதிப்பு, போதைப் பொருளிலிருந்து எப்படி நம்மை பாதுகாத்துக் கொள்வது, மாணவா்கள் ஒழுக்கம் கல்வி மற்றும் எதிா்கால முன்னேற்றம் , சமுதாய அமைதியின் முக்கியத்துவத்தைப் பற்றி எடுத்துரைத்தனா்.

நிகழ்ச்சியில் பேராசிரியா்கள், மாணவா்கள் உள்பட பலா் கலந்துகொண்டனா். ஏற்பாடுகளை ஒருங்கிணைப்பாளா்கள் ரூபா, பல்லவன், நரசிம்மன், உமா ஆகியோா் செய்திருந்தனா்.