‘தாட்கோ மூலம் தட்கல் மின் இணைப்பு திட்டத்தில் விவசாயிகள் பயன்பெறலாம்’

சமூக நீதித்துறையின் சாா்பில், தமிழ்நாடு ஆதிதிராவிடா் வீட்டு வசதி மற்றும் மேம்பாட்டுக் கழகம் (தாட்கோ) மூலம் தாட்கோ மூலம் தட்கல் மின் இணைப்பு பெற திட்டத்தில் இணையதளம் மூலம் விண்ணப்பித்து பயன்பெறலாம் என ஆட்சியா் ச.கவிதா தெரிவித்துள்ளாா்.

சமூக நலத்துறை மூலம் ஆதிதிராவிடா் மற்றும் பழங்குடியினா் பயன்பெறும் வகையில், பல்வேறு வகையான நலத்திட்டங்கள் செயல்படுத்தப்பட்டு வருகிறது. அந்த வகையில், விவசாயிகளின் பாசன வசதி, வேளாண் உற்பத்தித் திறன் மற்றும் வருவாயை உயா்த்தும் நோக்கில் வளமிகு வேளாண்மை உதவித்திட்டம் 2026-2027 ஆம் நிதியாண்டில் தாட்கோ மூலம் செயல்படுத்தப்பட உள்ளது.

இத்திட்டத்தில் சமூக நீதித்துறை அமைச்சா் சட்டப்பேரவையில் நிகழாண்டு நிதி நிலை அறிக்கையில் அறிவித்திருந்தபடி, வளமிகு வேளாண்மை உதவித் திட்டம் மூபலம் ஆதிதிராவிட விவசாயிகள் 1,000 பேருக்கு தட்கல் மின் இணைப்பு வழங்க தமிழக அரசு ரூ. 26.09 கோடியை ஒதுக்கீடு செய்துள்ளது. இத்திட்டத்தின் மூலம் ஆதிதிராவிட விவசாயிகள் பாசன வசதிகளை மேம்படுத்தி, வேளாண் உற்பத்தியைப் பெருக்கவும், விவசாய வருமானத்தை உயா்த்தவும் வழிவகை செய்யப்படுகிறது. விவசாய உற்பத்திக்குத் தேவையான மின் மோட்டாா் குதிரைத் திறனுக்கேற்ப மின் இணைப்பு பெறுவதற்கான செலவில் 90 சதவீதம் தமிழ்நாடு மின் பகிா்மானக் கழகத்திடம் தாட்கோ மானியமாக வழங்கும்.

அதன்படி, 5 குதிரை திறன் மின் மோட்டாருக்கான மின் இணைப்பு கட்டணம் ரூ.2.50 லட்சம் எனில், பயனாளி ரூ.25,000- மட்டும் பங்குத்தொகையாக செலுத்த வேண்டும். அதேபோல், மீதமுள்ள ரூ.2.25 லட்சம் தாட்கோ மூலம் மானியமாகவும், 7.5 குதிரை திறன் மின் மோட்டாருக்கான மின் இணைப்பு கட்டணம் ரூ.2.75 லட்சம் எனில், பயனாளி ரூ.27,500 செலுத்தினால் மீதமுள்ள ரூ.2.48 லட்சம் தாட்கோ மூலம் மானியமாக வழங்கப்படும். மேலும் 10 குதிரை திறன் மின் மோட்டாருக்கான மின் இணைப்பு கட்டணம் ரூ.3 லட்சம் எனில், பயனாளி ரூ.30,000- மட்டுமே செலுத்தினால், மீதமுள்ள ரூ. 2.70 லட்சம் மானியமாகவும், 15 குதிரை திறன் மின் மோட்டாருக்கான மின் இணைப்பு கட்டணம் ரூ.4 லட்சம் எனில், பயனாளி ரூ.40,000- பங்குத்தொகையாக செலுத்த தினால், மீதமுள்ள ரூ.3.60 லட்சம் என தாட்கோ மூலம் மானியமாக வழங்கப்படும். இந்த தொகைகள் தமிழ்நாடு மின் பகிா்மானக் கழகத்திற்கு செலுத்தப்பட்டு, விரைவு மின் இணைப்பு வழங்க பரிந்துரைக்கப்படும்.

இத்திட்டத்தில் பயன்பெற விரும்பும் விண்ணப்பதாரா்கள் ஆதிதிராவிட இனத்தைச் சோ்ந்தவராகவும், குடும்ப ஆண்டு வருமானம் ரூ.3 லட்சத்திற்கு மிகாமல் இருக்க வேண்டும். மேலும், விவசாய நிலம் விண்ணப்பதாரரின் பேரில் சொந்தமாக இருப்பதுடன் அதற்கான பட்டாவும் இருக்க வேண்டும். அந்த நிலத்தில் கிணறு அல்லது ஆழ்துளைக் கிணறு அமைக்கப்பட்டிருப்பது அவசியம். தமிழ்நாடு மின் பகிா்மானக் கழகத்தின் மின் இணைப்பு கோரி பதிவு செய்திருக்க வேண்டும். மேலும், விண்ணப்பதாரா் ஏற்கனவே தாட்கோ திட்டங்களின் கீழ் பயன் அடைந்தவராக இருக்கக்கூடாது.

மேற்கண்ட தகுதிகளுடைய ஆதிதிராவிட விவசாயிகள் தாட்கோ இணையதளம் மூலம் விண்ணப்பித்து இத்திட்டத்தில் பயன் பெறலாம் என அவா் தெரிவித்துள்ளாா்.