கழிவுநீா் தேங்கி நோய் பரவும் அபாயம்: மக்கள் முற்றுகை

திருத்தணி எம்.ஜி.ஆா். நகா் புதுவண்ணாரப்பேட்டை பகுதியில் தேங்கியிருக்கும் கழிவுநீரை அகற்றக்கோரி நகராட்சி அலுவலகத்தை பொதுமக்கள் முற்றுகையிட்டனா்.

திருத்தணி நகராட்சிக்குட்பட்ட 21-ாவது வாா்டு எம்.ஜி.ஆா். நகா் புதுவண்ணாரப்பேட்டை தெருவில் 100-க்கும் மேற்பட்ட குடும்பங்கள் வசித்து வருகின்றனா். இப்பகுதியில் கழிவுநீா் மற்றும் மழைநீா் செல்ல முறையான கால்வாய் வசதி இல்லாததால், அருகிலுள்ள தனியாா் பட்டா நிலத்தில் கழிவுநீா் குளம் போல் தேங்கி துா்நாற்றம் வீசி வருகிறது.

இதனால் கொசுக்கள் உற்பத்தியாகி நோய் பரவும் அபாயம் ஏற்பட்டுள்ளதாகவும், மா்ம காய்ச்சல் அதிகரித்து வருவதாகவும் அப்பகுதி மக்கள் தெரிவித்தனா். பிரச்னைக்கு தீா்வு காணக் கோரி திருத்தணி நகராட்சி அலுவலகத்தை பொதுமக்கள் முற்றுகையிட்டு ஆா்ப்பாட்டத்தில் ஈடுபட்டனா்.

தொடா்ந்து நகராட்சி ஆணையா் கன்னியப்பனிடம் மனு அளித்த பொதுமக்கள், கழிவுநீா் தேங்குவதை தடுக்க முறையான வடிகால்வாய் அமைத்து, தண்ணீரை வெளியேற்ற நடவடிக்கை எடுக்க வேண்டும் என கோரிக்கை விடுத்தனா். மேலும், மாவட்ட நிா்வாகம் தலையிட்டு உடனடியாக நடவடிக்கை எடுக்க வேண்டும் என்றும் வலியுறுத்தினா்.