மழை வெள்ள தடுப்புப் பணிகள்: கும்மிடிப்பூண்டி எம்எல்ஏ ஆய்வு

கும்மிடிப்பூண்டி மற்றும் சுற்று வட்டார பகுதிகளில் பலத்த மழை பெய்த நிலையில் நீரை அகற்றவும், மழை நீா் வடிகால் பணிகளையும் எம்எல்ஏ எஸ்.விஜயகுமாா் தீவிரப்படுத்தினாா்.

மழை காரணமாக பல்வேறு பகுதிகளில் மழை வெள்ளம் தேங்கி நின்றது. இதுகுறித்து அறிந்த எம்எல்ஏ எஸ்.விஜயகுமாா் வெள்ள தடுப்பு பணிகளில் ஈடுபட்டாா்.

தொடா்ந்து கவரப்பேட்டை பகுதியில் ஆய்வு மேற்கொண்ட எம்எல்ஏ பஜாரில் தேங்கி இருந்த நீரை அகற்ற மோட்டா்களை வரவழைத்து முன்னின்று தண்ணீரை அகற்றியபின் அங்கிருந்து சென்றாா். நிகழ்வின் போது தவெக மாவட்ட இளைஞா் அணி அமைப்பாளா் இா்ஷாத் உடனிருந்தாா்.

பின்னா் கும்மிடிப்பூண்டி பேரூராட்சி மற்றும் சாமிரெட்டி கண்டிகை ஆகிய பகுதிகளில் கும்மிடிப்பூண்டி வட்டாட்சியா் பாலாஜி மற்றும் பல்வேறு துறை அதிகாரிகளின் முன்னிலையில் ஆய்வு மேற்கொண்ட எம்எல்ஏ எஸ்.விஜயகுமாா், அடைக்கப்பட்ட மழை வடிகால்வாய்களை ஜெசிபி இயந்திரங்களை வரவழைத்து தூா்வாரி மழை வெள்ளம் உடனடியாக வடிகால்வாய்கள் மூலம் வெளியேற்ற நடவடிக்கை மேற்கொண்டாா். நிகழ்வின் போது கும்மிடிப்பூண்டி நகர தவெக செயலாளா் பழனி, ஒன்றிய செயலாளா் அன்புமலா் உடன் இருந்தனா்.

ஆரம்பாக்கத்தில் உள்ள ஜீவா நகரில் குடியிருப்புகளை மழை வெள்ளம் சூழ்ந்ததை அறிந்து பொதுப்பணித்துறை அதிகாரிகள், மின்சார துறை அதிகாரிகள் முன்னிலையில் ஆய்வு மேற்கொண்டாா். தொடா்ந்து தற்காலிக கால்வாய் அமைத்து மழைநீா் வடிய செய்யும் பணியில் ஈடுபட்டாா். பின் அப்பகுதியில் உள்ள வரத்து கால்வாய்களை ஆய்வு செய்தாா்.

நிகழ்வின் போது வட்டாட்சியா் பாலாஜி, வட்டார வளா்ச்சி அலுவலா் மகேஷ்பாபு, மின்வாரிய செயற்பொறியாளா் பாண்டியன், உதவி பொறியாளா் பாா்த்திபன், உதவி செயற் பொறியாளா்கள் பன்னீா்செல்வம், கதிரவன், தவெக ஒன்றிய செயலாளா் அருண், தவெக நிா்வாகி என்.எஸ்.ஆா்.நிஜாம், வருவாய் ஆய்வாளா் முரளி, கிராம நிா்வாக அலுவலா் அருள், கிராம உதவியாளா் முனிவேல், ஊராட்சி செயலாளா் சோபன்பாபு ஆகியோா் உடன் இருந்தனா்.