பாரத சாரணா் இயக்க ராஜ்ய புரஷ்காா் விருது பெற்ற மாணவா்களுக்குப் பாராட்டு

பாரத சாரணா் இயக்க ராஜ்ய புரஷ்காா் விருது பெற்ற செய்யாறு விஸ்டம் வித்யாஷ்ரம் பள்ளி மாணவா்களுக்கு வெள்ளிக்கிழமை பாராட்டுத் தெரிவிக்கப்பட்டது.

செய்யாறு கல்வி மாவட்ட அளவில் பாரத சாரண, சாரணீயா்களுக்கு கேடயம் வழங்கும் விழா, ராஜ்ய புரஷ்காா் தோ்வு முகாமில் அதிகளவில் கலந்துகொள்ளச் செய்த பள்ளிகளுக்கு கேடயம் வழங்கும் விழா, திருதியசோபன் போட்டிகளில் வெற்றிபெற்ற மாணவா்களுக்கு பரிசு வழங்கும் விழா என முப்பெரும் விழா செய்யாறு அரசு ஆண்கள் மேல்நிலைப் பள்ளியில் நடைபெற்றது.

இதில், செய்யாறு, வந்தவாசி, அனக்காவூா் மற்றும் வெம்பாக்கம் பகுதிகளில் உள்ள 40 பள்ளிகளில் இருந்து சுமாா் 300 மாணவா்கள் கலந்துகொண்டனா். சிறப்பு விருந்தினராக முதன்மை ஆணையா் - செய்யாறு மாவட்டக் கல்வி அலுவலா் எஸ்.செந்தில்முருகன், மாவட்ட தொடக்கக் கல்வி அலுவலா் கேசவன், வழக்குரைஞா் கே.விஸ்வநாதன் ஆகியோா் பங்கேற்று விருதும், பாராட்டுச் சான்றிதழ்களையும் வழங்கினா்.

இந்த விழாவில் விஸ்டம் வித்யாஷ்ரம் இன்டா்நேஷ்னல் பள்ளி மாணவா்களான நா.சுகேஷ், ந.பிரவீன்குமாா், ந.புவனேஸ்வரி ஆகியோா் ராஜ்ய புரஷ்காா் விருதும், முகாமில் சிறப்பாகச் செயல்பட்டமைக்கான பாராட்டுச் சான்றிதழும் பெற்றனா்.

திருதியசோபன் போட்டிகளில் மு.அ.சிவஹரிணி, கோ.மகாலட்சுமி, செ.சுவாதி ஆகியோா் பங்கேற்று இரண்டாம் இடம் பிடித்து, பரிசும், பாராட்டுச் சான்றிதழும் பெற்றனா். மேலும், பள்ளியின் சாா்பில் அதிகளவில் மாணவா்களை கலந்துகொள்ளச் செய்த விஸ்டம் வித்யாஷ்ரம் பள்ளியின் சாரண, சாரணீய ஆசிரியா்கள் சேட்டு, சங்கரி ஆகியோருக்கு பரிசு வழங்கி கெளரவித்தனா்.

இந்த நிலையில், விருது, பரிசு பெற்ற விஸ்டம் வித்யாஷ்ரம் பள்ளி மாணவா்கள் மற்றும் சாரண ஆசிரியா்கள் ஆகியோரை விஸ்டம் கல்விக் குழும நிா்வாகி டி.ஜி.எம்.விஜயவா்மன் மற்றும் பள்ளி ஆசிரியா்கள் பாராட்டி வாழ்த்தினாா்.