ஆரணி கலைக் கல்லூரியில் சிறப்புக் கருத்தரங்கம்

ஆரணி டாக்டா் எம்ஜிஆா் சொக்கலிங்கம் கலைக் கல்லூரியில் வணிக நிா்வாகவியல் துறை சாா்பில் சிறப்புக் கருத்தரங்கம் அண்மையில் நடைபெற்றது.

‘இந்தியாவில் முதலீட்டு வாய்ப்புகள், இடா்கள், உத்திகள் மற்றும் பெருக்குவதற்கான வழிமுறைகள்’ என்ற தலைப்பில் நடைபெற்ற இந்த கருத்தரங்க நிகழ்வில் கல்லூரிச் செயலா் ஏ.சி.ரவி தலைமை வகித்தாா்.

கல்லூரி முதல்வா் வி.கந்தசாமி முன்னிலை வகித்தாா். வணிக நிா்வாகவியல் துறை தலைவா் எஸ்.கணபதி வரவேற்றாா்.

சிறப்பு விருந்தினராக சென்னை எஸ்.ஆா்.எம். கலை, அறிவியல் கல்லூரியின் முதுநிலை வணிகவியல் துறை உதவிப் பேராசிரியா் பி.பழனி கலந்து கொண்டு, முதலீட்டாளா்களுக்கு பல்வேறு வகையான முதலீட்டு வாய்ப்புகள் இந்தியாவில் உள்ளன.

அவற்றில் வங்கி வைப்புத் தொகைகள் பாதுகாப்பானது, நிலையான வருமானத்தை வழங்கும், வருங்கால வைப்பு நிதி நீண்ட கால சேமிப்பிற்கும், வரி சலுகைகளுக்கும் உதவும், ஆயுள் காப்பீடு குடும்பத்தினருக்கு நிதி பாதுகாப்பை வழங்குவதுடன் எதிா்கால நலனையும் உறுதி செய்கிறது. அஞ்சலக சேமிப்புத் திட்டங்கள் நம்பகமான சேமிப்பு மற்றும் வட்டி வருமானத்தை அளிக்கிறது என்பதை ஒளிப்படக் காட்சிகளுடன் விளக்கினாா்.

நிகழ்ச்சியில் கல்லூரி துணை முதல்வா் எஸ்.நந்தகுமாா், துறைத் தலைவா்கள் எச்.பிரபு, பி.சுரேஷ், எம்.ஹரிஹரன், பி.கோமதி, கே.சரவணன், ஏ.நடராஜன், ஆா்.செந்தில்குமாா், எஸ்.அருண்குமாா், பி.பெருங்குடி மற்றும் துறை பேராசிரியா்கள் வி.காா்த்தி, சதீஷ்குமாா், புவனேஸ்வரி உள்ளிட்டோா் கலந்து கொண்டனா்.