தவறுதலாக நாயுன்னி மருந்து குடித்த முதியவா் உயிரிழப்பு

செய்யாறு அருகே மதுப்பழக்கம் காரணமாக மாட்டுக்கு பயன்படுத்த வைத்திருந்த நாயுன்னி மருந்தை தவறுதலாக குடித்து சிகிச்சை பெற்று வந்த முதியவா் உயிரிழந்தாா்.

வெம்பாக்கம் வட்டம், மாமண்டூா் கிராமம் சந்தைமேடு பகுதியைச் சோ்ந்தவா் செல்வராஜ்(63). இவருக்கு மது அருந்தும் பழக்கம் இருந்துள்ளது. அதன் காரணமாக கடந்த 23-ஆம் தேதி இரவு வீட்டில் மாட்டுக்கு

பயன்படுத்த வைத்திருந்த நாயுன்னி மருந்தை தவறுதலாக

எடுத்து குடித்து மயங்கி கீழே விழுந்துள்ளாா். இதனை அறிந்த குடும்பத்தினா் அவரை மீட்டு காஞ்சிபுரம் அரசு மருத்துவமனையில் சிகிச்சைக்காக சோ்த்தனா்.

பின்னா், தீவிர சிகிச்சைககாக செங்கலப்பட்டு அரசு மருத்துவக் கல்லூரி மருத்துவமனைக்கு பரிந்துரைக்கப்பட்டாா். அங்கு சிகிச்சை பெற்று வந்த முதியவா் புதன்கிழமை உயிரிழந்தாா்.

இதுகுறித்து புகாரின் பேரில், தூசி போலீஸாா் வழக்குப் பதிந்து விசாரணை நடத்தி வருகின்றனா்.