கட்செவி அஞ்சலில் பரவிய விடியோ: காவல் உதவி ஆய்வாளர் பணியிட மாற்றம்

போக்குவரத்து உதவி ஆய்வாளர் பணம் பெறும் காணொலிப் பதிவு கட்செவி அஞ்சலில் (வாட்ஸ் அப்) பரவியது. இதையடுத்து, அவர் சில மணி நேரத்தில்  ஆயுதப் படைக்கு பணியிட மாற்றம் செய்யப்பட்டார்.

வாணியம்பாடி போக்குவரத்து உதவி ஆய்வாளர் மிதிலேஷ். இவர் ஜனதாபுரத்தில் வாகனச் சோதனையின்போது, ஆட்டோ ஓட்டுநரிடம் மாமூல் கேட்டதும், பின்னர் ஆட்டோ ஓட்டுநர் பணத்தை இரு சக்கர வாகனத்தில் உள்ள பெட்டியில் போட்டு மூடிச் செல்வதும் காணொலிப் பதிவாக செய்யப்பட்டு வெள்ளிக்கிழமை பிற்பகல் பரவியது. இந்தத் தகவல் காவல் கண்காணிப்பாளருக்குச் சென்றது. இதையடுத்து, உடனடியாக மிதிலேஷை ஆயுதப் படைக்கு மாற்றி உத்தரவிட்டார்.