1 டன் ஈட்டி மரம் பறிமுதல்

திருப்பத்தூர் அருகே 1 டன் ஈட்டி மரம் பறிமுதல் செய்யப்பட்டது.

திருப்பத்தூரை அடுத்த புதூர்நாடு ஊராட்சிக்கு உள்பட்ட மொழலை மலைக் கிராமத்தைச்  சேர்ந்த அருணகிரி மகன் விவசாயி கோவிந்தன் (50). இவர் தனது வீட்டின் அருகே உள்ள நிலத்தில் தேக்கு மரத்துக்கு அடுத்த நிலையில் உள்ள ஈட்டி மரங்களை வளர்த்து வந்தார்.

 இவர் 15 ஈட்டி மரங்களை வனத் துறையினரின் அனுமதி பெறாமல் வெட்டி, அதனை 22 துண்டுகளாக்கி பதுக்கி வைத்திருந்தார்.

 தகவலின் பேரில் வனச் சரக அலுவலர் பரமசிவம் அங்கு சென்று. இந்த மரத் துண்டுகளை பறிமுதல் செய்தார். இதன் மதிப்பு ஒன்றரை லட்சம் ரூபாய் ஆகும்.