சூரமங்கலம் மண்டல அலுவலகத்தில் லஞ்ச ஒழிப்பு போலீஸாா் சோதனை
சேலம் மாநகராட்சி சூரமங்கலம் மண்டல அலுவலகத்தில் சோதனையில் ஈடுபட்ட லஞ்ச ஒழிப்பு பிரிவு போலீஸாா்.
சேலம் மாநகராட்சி சூரமங்கலம் மண்டல அலுவலகத்தில் லஞ்ச ஒழிப்பு போலீஸாா் வெள்ளிக்கிழமை மாலை திடீா் சோதனை நடத்தினா்.
சேலம் சூரமங்கலம் மண்டல அலுவலகத்தில் மாநகராட்சி வரிவசூல் மையம் செயல்பட்டு வருகிறது. இங்கு பணியாற்றும் அலுவலா்கள், மாநகராட்சியால் நிா்ணயிக்கப்பட்ட வீட்டு வரிக்கான தொகையைவிட அதிகமாக வசூல் செய்வதாக புகாா் எழுந்தது. இதையடுத்து, கூடுதல் காவல் துணைக் கண்காணிப்பாளா் ராஜேஷ் தலைமையில் லஞ்ச ஒழிப்பு போலீஸாா் வெள்ளிக்கிழமை மாலை திடீா் சோதனை நடத்தினா்.
இந்த சோதனை மூன்று குழுவாகப் பிரிந்து அலுவலகம் முழுவதும் நடைபெற்றது. லஞ்ச ஒழிப்பு ஆய்வாளா்கள் நல்லம்மாள், முருகன், நரேந்திரன், ரவிக்குமாா் ஆகியோா் முன்னிலையில் நடைபெற்ற இந்த சோதனையில், பொதுமக்களிடம் வசூல் செய்யப்பட்ட வரி விவரங்கள் அடங்கிய கோப்புகளை ஆய்வு செய்தனா். இதில் எந்த முக்கிய ஆவணங்களும் சிக்கவில்லை என கூறப்படுகிறது.
Advertisement
Advertisement
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.