பைக் விபத்தில் இளைஞர் சாவு

சோளிங்கர் அருகே சாலையோரம் இருந்த அறிவிப்புப் பலகையில் பைக் மோதிய விபத்தில் இளைஞர் இறந்தார்.
சோளிங்கரை அடுத்த கூடலூரைச் சேர்ந்தவர் சுபாஷ் (22). இதே ஊரைச் சேர்ந்தவர் கோவர்த்தனன்(20). இருவரும் சென்னையில் ரயில்வேயில் ஒப்பந்தத் தொழிலாளர்களாகப் பணியாற்றி வருகின்றனர். இந்நிலையில், புதன்கிழமை பணி முடிந்து அரக்கோணம் வந்த இருவரும் பைக்கில் கூடலூருக்குச் சென்று கொண்டிருந்தனர். ஜோதிபுரம் அருகே சென்றபோது, சாலை அறிவிப்புப் பலகையின் மேல் பைக் மோதியதில் சுபாஷ் நிகழ்விடத்திலேயே இறந்தார். கோவர்த்தனன் பலத்த காயங்களுடன் வேலூர் அடுக்கம்பாறை அரசு மருத்துவக் கல்லூரி மருத்துவமனையில் அனுமதிக்கப்பட்டார். இதுகுறித்து சோளிங்கர் போலீஸார் வழக்குப் பதிந்து விசாரணை நடத்தி வருகின்றனர்.