இலவச பொது மருத்துவ முகாம்

குடியாத்தம் ரோட்டரி சங்கம், நெல்லூா்பேட்டை அரசு ஆண்கள் மேல்நிலைப் பள்ளியின் நாட்டு நலப்பணித் திட்டம், பாலாறு மருத்துவமனை ஆகியவை

இணைந்து சீவூா் ஊராட்சிப் பள்ளியில் இலவச பொது மருத்துவ முகாமை நடத்தின.

முகாமுக்கு ரோட்டரி தலைவா் டி.எஸ்.ரவிச்சந்திரன் தலைமை வகித்தாா். மருத்துவப் பணிகள் இயக்குனா் பி.எல்.என்.பாபு, செயலா் ஜெ.தமிழ்ச்செல்வன் ஆகியோா் முன்னிலை வகித்தனா். என்எஸ்எஸ் திட்ட அலுவலா் ஆா்.ஜெயக்குமாா் வரவேற்றாா்.

ரோட்டரி சமூகப்பணி இயக்குநா் என்.எஸ்.குமரகுரு முகாமைத் தொடங்கி வைத்தாா். எலும்பு மூட்டு அறுவை சிகிச்சை மருத்துவா் எம்.எஸ்.சிதம்பரம், சித்த மருத்துவா் ஜெ.கல்பனா, பல் மருத்துவா் திருமகள் ஆகியோா் தலைமையில் மருத்துவா் குழு சிகிச்சை அளித்தது.

இதில் ரோட்டரி நிா்வாகிகள் வி.மதியழகன், பரசுராமன், பாலமுருகன், உதயகுமாா் உள்ளிட்டோா் கலந்து கொண்டனா். உதவி திட்ட அலுவலா் ஹரிகிருஷ்ணன் நன்றி கூறினாா்.