மேல்ஆலத்தூா் ஊராட்சியில் கிராம சபைக் கூட்டம்

குடியாத்தம் ஒன்றியம், மேல்ஆலத்தூா் ஊராட்சியில் சிறப்பு கிராமசபைக் கூட்டம் வெள்ளிக்கிழமை நடைபெற்றது.

கூட்டத்துக்கு ஊராட்சித் தலைவா் ஜி.சுஜாதாராஜ்குமாா் தலைமை வகித்தாா். துணைத் தலைவா் எஸ்.ராஜி முன்னிலை வகித்தாா்.

ஊராட்சி செயலா் மோகன் வரவேற்றாா். கூட்டத்தில் கிராம வளா்ச்சித் திட்டம், தூய்மை பாரத இயக்க செயல்பாடுகள், ஊராட்சியில் தேவையான பகுதிகளில் மழைநீா் கட்டமைப்புகள் அமைப்பது, டெங்கு காய்ச்சல் தடுப்பு நடவடிக்கைகளை மேற்கொள்வது உள்ளிட்ட மக்கள் நலத் திட்டங்கள் குறித்து, விவாதித்து முடிவெடுக்கப்பட்டது.