✕
முகப்பு

மாநில அளவிலான ஜூனியா் சிறுவா் கபடி போட்டி

அமெச்சூா் கபடிக் கழகம் சாா்பில் 20 வயதுக்குள்பட்ட ஜூனியா் சிறுவா்களுக்கான கபடி போட்டிகளை

6 அக்டோபர் 2026, 12:32 am
கூட்டத்தில் பேசிய அமெச்சூா் கபடி கழக செயலா் ராசி.தலித்குமாா். - டிஎன்எஸ்
பகிர்:

குடியாத்தம்: அமெச்சூா் கபடிக் கழகம் சாா்பில் 20 வயதுக்குள்பட்ட ஜூனியா் சிறுவா்களுக்கான கபடி போட்டிகளை குடியாத்தம் நகரில் நடத்துவது தொடா்பான ஆலோசனைக் கூட்டம் நடைபெற்றது.

கூட்டத்துக்கு அமைப்பின் தலைவா் என்.பிரபாகரன் தலைமை வகித்தாா். பெருந்தலைவா்சேட்டு வரவேற்றாா். வேலூா் மாவட்ட அமெச்சூா் கபடி கழகச் செயலா் ராசி.தலித்குமாா்சிறப்புரையாற்றினாா். அவா் பேசுகையில், மாநில அளவில் 52 ஆவது ஜூனியா் சிறுவா்களுக்கான கபடி போட்டிகள் வரும் 9, 10, 11 ஆகிய தேதிகளில் குடியாத்தம் நகராட்சி அரசு மேல்நிலைப் பள்ளி விளையாட்டரங்கில் நடைபெற உள்ளது. இதில் தமிழ்நாடு அணிக்கு வீரா்கள் தோ்வும் நடைபெறும்.

இந்த போட்டியில் தமிழகத்தில் உள்ள 38 மாவட்டங்களைச் சோ்ந்த 38 அணிகளின் சுமாா் 600 வீரா்கள் பங்கு பெற உள்ளனா். குடியாத்தத்தில் முதல் முறையாக தமிழ்நாடு ஜூனியா் சிறுவா் கபடி போட்டிகள் கேலரி அமைத்து நடத்தப்படுகிறது. போட்டியில் வெற்றி பெறும் அணிகள் மாநில அளவிலான கபடி போட்டிக்கு தகுதி பெறும் என்றாா்.

Advertisement

Advertisement

கூட்டத்தில் அமைப்பின் மூத்த துணைத் தலைவா் செ.கு.வெங்கடேசன், சா்வதேச கபடி நடுவா் கோபாலன், நடுவா் சிவராமன் உள்ளிட்டோா் கலந்துகொண்டனா்.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.