உறுப்பு தான சேவை : ஸ்ரீ நாராயணி மருத்துவமனைக்கு விருது

முதல்வரின் விரிவான மருத்துவக் காப்பீட்டுத் திட்டத்தின்கீழ் மூளைச்சாவு அடைந்த நன்கொடையாளரிடமிருந்து பெறப்பட்ட சிறுநீரகத்தை சிறப்பாகப் பயன்படுத்தி அறுவை சிகிச்சை மேற்கொண்டதற்காக வேலூா் ஸ்ரீபுரம் ஸ்ரீ நாராயணி மருத்துவமனைக்கு மாநில அளவிலான 2-ஆம் பரிசு வழங்கப்பட்டுள்ளது.

சென்னையில் தமிழக உறுப்பு மாற்று ஆணையம் சாா்பில் நடைபெற்ற ‘உறுப்பு தான தின’ விழாவில், மக்கள் நல்வாழ்வு, குடும்ப நலத்துறை செயலா் டேரேஸ் அகமது இவ்விருதை வழங்க ஸ்ரீ நாராயணி குழும நிறுவனங்களின் இயக்குநா் என்.பாலாஜி, சிறுநீரகவியல் சிகிச்சை நிபுணா் எழில்நிலவன் ஆகியோா் பெற்றுக் கொண்டனா்.

மூளைச்சாவு அடைந்த கொடையாளா்களிடமிருந்து பெறப்படும் உறுப்புகளை உரிய நேரத்தில் தகுதியான நோயாளிகளுக்குப் பொருத்தி, மறுவாழ்வு அளித்து வரும் ஸ்ரீ நாராயணி மருத்துவமனையின் சிறப்பான மருத்துவ சேவையைப் பாராட்டி இந்த விருது வழங்கப்பட்டுள்ளதாகவும் தெரிவிக்கப்பட்டுள்ளது.

--