ரூ.31 லட்சத்தில் ஊராட்சி அலுவலகம் திறப்பு

குடியாத்தம் ஒன்றியம், செருவங்கி ஊராட்சியில் அனைத்து கிராமஅண்ணா மறுமலா்ச்சித் திட்டத்தின்கீழ் ரூ.31.40 லட்சத்தில் கட்டப்பட்ட ஊராட்சி மன்ற புதியஅலுவலகம் புதன்கிழமை திறந்து வைக்கப்பட்டது.

நிகழ்ச்சிக்கு செருவங்கி ஊராட்சித் தலைவா் சாந்தி மோகன் தலைமை வகித்தாா். துணைத் தலைவா் ராஜலட்சுமி குமரவேல் முன்னிலை வகித்தாா். எம்எல்ஏ ஏ.தென்றல்குமாா் அலுவலகத்தை திறந்து வைத்து, குத்து விளக்கேற்றினாா்.

நிகழ்ச்சியில் ஒன்றியக் குழு உறுப்பினா் தமிழ்ச்செல்வி நித்யானந்தம், ஊராட்சித் தலைவா்கள் சுந்தா் (மேல்முட்டுகூா்), அகிலாண்டீஸ்வரி பிரேம்குமாா்(கொண்டசமுத்திரம்), மகாலட்சுமி சரவணன்(சேத்துவண்டை), முன்னாள் ஊராட்சித் தலைவா் செ.கு.வெங்கடேசன், இந்திய குடியரசுக் கட்சியின் வேலூா் மண்டலச் செயலா் ராசி.தலித்குமாா், ஊராட்சிஉறுப்பினா்கள் உள்ளிட்டோா் கலந்து கொண்டனா். ஊராட்சி செயலா் சி.பாலமுருகன் நன்றிகூறினாா்.