மூதாட்டியிடம் 4 பவுன் பறிப்பு

சூலூரில் மூதாட்டியிடம் 4 பவுன் நகையை மர்ம நபர்கள் ஞாயிற்றுக்கிழமை பறித்துச் சென்றனர்.
திருநெல்வேலி மாவட்டத்தைச் சேர்ந்தவர் பாப்பிரெட்டி. இவரது மனைவி வையம்மாள் (60). இவர்கள் இருவரும் சூலூர் பேருந்து நிலையம் அருகில் உள்ள திருமால் நகரில் உள்ள தனது மகள் வீட்டுக்கு விடுமுறைக்காக வந்துள்ளனர். 
இந்நிலையில், பால் வாங்குவதற்காக வையம்மாள் ஞாயிற்றுக்கிழமை காலையில் நடந்து சென்று கொண்டுடிருந்தார். அப்போது அவ்வழியே, இருசக்கர வாகனத்தில்  தலைக் கவசம் அணிந்து வந்த மர்ம நபர்கள் வையம்மாள் அணிந்திருந்த 4 பவுன் நகையைப் பறித்துச் சென்றனர். 
இதுகுறித்த புகாரின் பேரில் சூலூர் காவல் உதவி ஆய்வாளர் மனோஜ்குமார் வழக்குப் பதிவு செய்து விசாரித்து வருகிறார்.