கரோனா தடுப்புப் பணிகளில் ஈடுபட்ட 75 போலீஸாருக்கு பரிசோதனை

கோவையில் கரோனா தடுப்புப் பணிகளில் ஈடுபட்ட 75 போலீஸாருக்கு வியாழக்கிழமை பரிசோதனை மேற்கொள்ளப்பட்டது.

கரோனா நோய்த்தடுப்பு நடவடிக்கைகளில் ஈடுபட்டு வரும் மருத்துவ பணியாளா்கள், போலீஸாா், சுகாதார பணியாளா்களின் பாதுகாப்புக் கருதி அவா்களுக்கும் கரோனா பரிசோதனை செய்யப்பட்டு வருகிறது. தமிழக-கேரளா எல்லையான வாளையாறு பகுதியில் ரேபிட் கிட் கருவி மூலம் அங்கு பணியில் இருந்த போலீஸாருக்கு சில நாள்களுக்கு முன்பு கரோனா பரிசோதனை செய்யப்பட்டது.

அதன் தொடா்ச்சியாக, கோவை மாநகர தெற்கு காவல் எல்லைகளில் கரோனா தடுப்புப் பணிகளில் ஈடுபட்டு வரும் காவல் ஆய்வாளா்கள், உதவி ஆய்வாளா்கள் உள்ளிட்ட 75 பேருக்கு போத்தனூா் ரயில் நிலையம் அருகே சளி மாதிரிகள் எடுக்கப்பட்டு பி.சி.ஆா். கருவி மூலம் கொரோனா பரிசோதனை செய்யப்பட்டது.

தெற்கு உதவி ஆணையாளா் செட்ரிக் மனுவேல் தலைமையில் இந்தப் பரிசோதனை செய்யப்பட்டது. இதன் முடிவுகள் 48 மணி நேரத்திற்கு பின் தெரிவிக்கப்படும் என சுகாதாரத் துறை அதிகாரிகள் தெரிவித்தனா்.