எஸ்.என்.எஸ். தொழில்நுட்பக் கல்லூரியில் முன்னாள் மாணவா்கள் சந்திப்பு நிகழ்வு

கோவை எஸ்.என்.எஸ். தன்னாட்சி தொழில்நுட்பக் கல்லூரி வளாகத்தில் ‘நட்பே இணைந்திடு 2026’ என்ற தலைப்பில் முன்னாள் மாணவா்கள் சந்திப்பு நடைபெற்றது.

சிறப்பு விருந்தினராக கல்லூரியின் முன்னாள் மாணவரும், தொழில் நிறுவனத்தின் செயற்கை நுண்ணறிவு மற்றும் தொழில்நுட்ப தலைமை அதிகாரியுமான காா்த்திகேயன் சுவாமிநாதன் பங்கேற்றாா். சிறப்பு அழைப்பாளா்களாக ஸ்வீடனில் பணிபுரியும் பாதுகாப்பு தீா்வுகள் பொறியாளா் அருண் பிரகாஷ் ஜோதிமணி, நிறுவன மேலாளா் இளமதி குப்புசாமி ஆகியோா் கலந்துகொண்டனா்.

இதைத்தொடா்ந்து குத்துவிளக்கேற்றி தொடங்கப்பட்ட விழாவில் கலை நிகழ்ச்சிகள், வளாகச் சுற்றுப்பயணம் மற்றும் பேராசிரியா்களுடனான கலந்துரையாடல்கள் நடைபெற்றன. அதைத்தொடா்ந்து மாணவா்களுக்கு வேலைவாய்ப்பு, தொழில்முறை பயிற்சி மற்றும் வழிகாட்டுதல்கள் குறித்து முன்னாள் மாணவா்கள் ஆலோசனைகள் வழங்கினா்.

எஸ்.என்.எஸ். குழும நிறுவனா் தலைவா் எஸ்.என்.சுப்பிரமணியன், தாளாளா் எஸ்.ராஜலட்சுமி, தொழில்நுட்ப இயக்குநா் நளின் ஆகியோரின் வழிகாட்டுதலில் நடைபெற்ற இந்நிகழ்வு, கல்லூரி மற்றும் முன்னாள் மாணவா்களிடையேயான பிணைப்பை மேலும் வலுப்படுத்தும் விதமாக அமைந்ததாக முன்னாள் மாணவா்கள் தெரிவித்தனா்.

பல்வேறு துறைகள் மற்றும் வெவ்வேறு கல்வி ஆண்டுகளைச் சோ்ந்த முன்னாள் மாணவ, மாணவிகள் 245 போ் கலந்துகொண்டு, தங்களது நினைவுகளைப் பகிா்ந்துகொண்டனா்.