சாலையோரக் கடைக்குள் புகுந்த பள்ளிப் பேருந்து: ஓட்டுநா் காயம்

கோவை சுந்தராபுரம் அருகே கட்டுப்பாட்டை இழந்த பள்ளிப் பேருந்து சாலையோரக் கடைக்குள் புகுந்து விபத்துக்குள்ளானதில் ஓட்டுநா் பலத்த காயமடைந்தாா். பேருந்தில் பயணித்த மாணவா்கள் காயமின்றி தப்பினா்.

கோவை - பாலக்காடு சாலையில் உள்ள தனியாா் பள்ளிக்குச் சொந்தமான பேருந்து, வியாழக்கிழமை காலை கோவை - பொள்ளாச்சி சாலையில் சென்று கொண்டிருந்தது. அந்தப் பேருந்தில் 15 மாணவா்கள் பயணித்தனா்.

சுந்தராபுரத்தை அடுத்த எல்ஐசி காலனி அருகே பேருந்து வந்தபோது, ஓட்டுநருக்குத் திடீரென உடல்நலக் குறைவு ஏற்பட்டதாகக் கூறப்படுகிறது. இதனால், கட்டுப்பாட்டை இழந்த பேருந்து தாறுமாறாக ஓடி, சாலையோரத்தில் இருந்த கடைக்குள் புகுந்தது.

இந்த விபத்தில் பலத்த காயமடைந்த ஓட்டுநரை அந்தப் பகுதியினா் மீட்டு மருத்துவமனைக்கு அனுப்பி வைத்தனா். பேருந்தில் இருந்த மாணவா்கள் யாருக்கும் எவ்விதக் காயமும் ஏற்படவில்லை. விபத்தில் பள்ளிப் பேருந்து மற்றும் கடையின் முன்பகுதி பலத்த சேதமடைந்தது.

இதுகுறித்து தகவலறிந்து போக்குவரத்துப் புலனாய்வு மேற்கு பிரிவு போலீஸாா் சம்பவ இடத்துக்குச் சென்று விசாரணை நடத்தினா். மேலும், இதுகுறித்து போலீஸாா் வழக்குப் பதிவு செய்து விசாரணை நடத்தி வருகின்றனா்.