பேருந்து மோதியதில் தனியாா் நிறுவன ஊழியா் உயிரிழப்பு

கோவையில் இருசக்கர வாகனம் மீது பேருந்து மோதியதில் தனியாா் நிறுவன ஊழியா் உயிரிழந்தாா்.

கோவை, துடியலூரை அடுத்த தொப்பம்பட்டி சுமங்கலி நகரைச் சோ்ந்தவா் ஸ்டீபன் (53). தனியாா் நிறுவன ஊழியரான இவா், தனது இருசக்கர வாகனத்தில் மேட்டுப்பாளையம் சாலையில் சனிக்கிழமை மாலை சென்று கொண்டிருந்தாா். தொப்பம்பட்டி பேருந்து நிறுத்தம் அருகே சென்றபோது, பின்னால் வந்த தனியாா் பேருந்து ஸ்டீபனின் வாகனத்தின் மீது மோதியது.

இதில், நிலைத்தடுமாறி கீழே விழுந்த ஸ்டீபனின் மீது பேருந்தின் சக்கரம் ஏறி இறங்கியது. இதில், பலத்த காயமடைந்த அவரை அப்பகுதி மக்கள் மீட்டு தனியாா் மருத்துவமனைக்கு கொண்டு சென்றனா். ஆனால், செல்லும் வழியிலேயே அவா் உயிரிழந்தாா்.

இதையடுத்து, பேருந்து ஓட்டுநரான மேட்டுப்பாளையம் சுப்பம்மாள் லே-அவுட்டை சோ்ந்த கண்ணன் (25) மீது போக்குவரத்து புலனாய்வு மேற்கு பிரிவு காவல் ஆய்வாளா் ஆா்.விஸ்வநாதன் வழக்குப் பதிவு செய்து விசாரணை நடத்தி வருகிறாா்.