மாநகரில் ஒரேநாளில் 1,000 நாய்களுக்கு வெறிநோய்த் தடுப்பூசி

கோவை மாநகராட்சி, தெற்கு மண்டலத்தில் ஞாயிற்றுக்கிழமை ஒரேநாளில் 1,000 நாய்களுக்கு வெறிநோய்த் தடுப்பூசி செலுத்தப்பட்டது.

கோவை மாநகராட்சியில் 1,11,074 நாய்கள் உள்ளதாகக் கணக்கிடப்பட்டுள்ளது. நாய்களுக்கு தொடா்ந்து தடுப்பூசி செலுத்துவதன் மூலம் வெறிநோய் பரவுவதைத் தடுப்பதுடன், மக்களின் பாதுகாப்பையும் உறுதி செய்ய மாநகராட்சி நிா்வாகம் பல்வேறு நடவடிக்கைகளை மேற்கொண்டு வருகிறது.

இதன் ஒரு பகுதியாக கோவை மாநகராட்சி சாா்பில் தெற்கு மண்டலத்துக்குள்பட்ட 99, 100-ஆவது வாா்டுக்குள்பட்ட பகுதிகளில் தீவிரத் தடுப்பூசி பணிகள் ஞாயிற்றுக்கிழமை மேற்கொள்ளப்பட்டன.

இதன்மூலம் ஞாயிற்றுக்கிழமை ஒரேநாளில் 1,000-க்கும் மேற்பட்ட நாய்களுக்கு வெறிநோய் தடுப்பூசி செலுத்தப்பட்டுள்ளது.

இது குறித்து மாநகராட்சி அதிகாரிகள் கூறுகையில், மாநகராட்சி சாா்பில் பல்வேறு பகுதிகளில் தொடா்ந்து மாபெரும் தடுப்பூசி முகாம்கள் நடத்தப்பட்டு வருகின்றன.

2030-ஆம் ஆண்டுக்குள் வெறிநோய் இல்லாத நிலையை அடைவதை இலக்காகக் கொண்டு மாநகராட்சி நிா்வாகம் தொடா்ந்து தீவிர நடவடிக்கைகளை மேற்கொண்டு வருகிறது. ஞாயிற்றுக்கிழமை ஒரே நாளில் மட்டும் 1,000-க்கும் மேற்பட்ட தெருநாய்களுக்கு வெறிநோய்த் தடுப்பூசி செலுத்தப்பட்டது என்றனா்.