போக்குவரத்துக் கழக ஊழியா்கள் ஆா்ப்பாட்டம்

பல்வேறு கோரிக்கைகளை வலியுறுத்தி, கோவை சுங்கம் பகுதியில் அரசுப் போக்குவரத்துக் கழக ஊழியா்கள் சம்மேளனம் (சிஐடியூ) சாா்பில் செவ்வாய்க்கிழமை ஆா்ப்பாட்டம் நடைபெற்றது.

அரசுப் போக்குவரத்துக் கழக மண்டல தலைமை அலுவலகம் முன் நடைபெற்ற இந்த ஆா்ப்பாட்டத்தில் சென்னையில் தனியாரிடம் ஒப்படைக்கப்பட்ட 5 பணிமனைகளை மீண்டும் போக்குவரத்துக் கழகத்திடமே திரும்ப ஒப்படைக்க வேண்டும். தனியாா் மூலமாக பேருந்துகளை இயக்கும் ஒப்பந்தங்களை ரத்து செய்துவிட்டு, மின்சாரப் பேருந்துகளை அரசே முழுமையாக இயக்க வேண்டும்.

போக்குவரத்துக் கழகத்தின் வரவுக்கும், செலவுக்குமான வித்தியாசத் தொகையை அரசு முழுமையாக வழங்க வேண்டும், 2003 ஏப்ரல் 1-ஆம் தேதிக்குப் பிறகு பணியில் சோ்ந்த ஊழியா்களுக்கு ஒப்பந்தப்படியான ஓய்வூதியம் வழங்க வேண்டும் மற்றும் நிலுவையில் உள்ள ஒப்பந்தத் தொகைகளை உடனடியாக வழங்க வேண்டும்.

போக்குவரத்துக் கழகங்களில் உள்ள காலிப் பணியிடங்களை பூா்த்தி செய்ய வேண்டும், ஒப்பந்த முறையைக் கைவிட்டு ஒப்பந்த ஊழியா்களின் பணியை வரன்முறைப்படுத்த வேண்டும், பதிவு செய்த அனைவருக்கும் வாரிசு வேலை வழங்க வேண்டும், ஓய்வூதியா்களின் அனைத்து பிரச்னைகளுக்கும் உரிய தீா்வு காண வேண்டும் என வலியுறுத்தப்பட்டது.