திம்பம் சாலையில் மீண்டும் போக்குவரத்து பாதிப்பு

திம்பம் மலைப்பாதையில் புதிதாக அமைக்கப்பட்டு வரும் தார்ச்சாலையில் லாரி சிக்கியதால் 2 மணி நேரம் போக்குவரத்து பாதிக்கப்பட்டது.

 திம்பம் மலைப்பாதையில் தார்ச்சாலை அமைக்கும் பணி நடைபெற்று வருகிறது.  தார்ச்சாலை அமைக்கப்பட்ட சில நிமிடங்களில் வாகனங்கள் அதன் மீது செல்வதால் தார்ச்சாலை பெயர்ந்து வலுவிழந்து விடுகிறது.

 இந்நிலையில், வெள்ளிக்கிழமை அவ்வழியாக வந்த ஹரியானா லாரியின் சக்கரங்கள் தார்ச்சாலையில் சிக்கிக் கொண்டதால், அப்பகுதியில் சுமார் 2 மணி நேரம் போக்குவரத்து பாதிக்கப்பட்டது.

 சக்கரங்களில் இருந்து தார்ப்பொருள்கள் அப்புறப்படுத்தப்பட்ட பிறகு அப்பகுதியில் போக்குவரத்து சீரமைக்கப்பட்டது.