பவானி ஆற்றில் மூழ்கி பள்ளி மாணவர் பலி

பவானி ஆற்றில் மூழ்கி பள்ளி மாணவர் சனிக்கிழமை உயிரிழந்தார்.

 கோபியைச் சேர்ந்த நூர்ஜகான் மகன் ரகுமான் (14). இவர், கோபி தனியார் பள்ளியில் 9-ஆம் வகுப்பு படித்து வந்தார்.

 இந்நிலையில், சனிக்கிழமை பெற்றோருடன் சத்தி வந்த ரகுமான் அங்குள்ள பவானி ஆற்றில் குளித்துக் கொண்டிருந்தார். அப்போது, ஆழமான பகுதிக்குச் சென்றபோது நீரில் மூழ்கி அவர் உயிரிழந்தார்.

 தகவலறிந்து, சம்பவ இடத்துக்குச் சென்ற தீயணைப்பு வீரர்கள் ரகுமானின் சடலத்தை மீட்டு அரசு மருத்துவமனைக்கு அனுப்பி வைத்தனர்.

 இச்சம்பவம் குறித்து, சத்தி போலீஸார் வழக்குப் பதிவு செய்து விசாரித்து வருகின்றனர்.