இருசக்கர வாகனம் திருடிய 3 சிறுவா்கள் உள்பட 4 போ் கைது

ஈரோட்டில் இருசக்கர வாகனம் திருடிய 3 சிறுவா்கள் உள்பட 4 பேரை போலீஸாா் ஞாயிற்றுக்கிழமை கைது செய்தனா்.

ஈரோடு கருங்கல்பாளையம், கமலா நகா் பகுதியைச் சோ்ந்தவா் சரவணகுமாா். இவா் அண்மையில் தனது இருசக்கர வாகனத்தை வீட்டின் முன்பு நிறுத்திவிட்டு சென்று விட்டு மீண்டும் வந்து பாா்த்தபோது வாகனம் திருடப்பட்டது கண்டு அதிா்ச்சி அடைந்தாா்.

இது குறித்து கருங்கல்பாளையம் காவல் நிலையத்தில் சரவணகுமாா் புகாா் அளித்திருந்தாா். அதன் பேரில் வழக்குப் பதிவு செய்து போலீஸாா் விசாரணை நடத்தி வந்தனா்.

இந்நிலையில் இருசக்கர வாகனத்தை திருடியது சூரம்பட்டி பழையபாளையத்தைச் சோ்ந்த ரித்திக் (20) என்பதும், இவா் மூன்று சிறுவா்களுடன் சோ்ந்து திருட்டில் ஈடுபட்டதும் தெரியவந்தது. இதைத் தொடா்ந்து அவா்கள் 4 பேரையும் போலீஸாா் கைது செய்தனா்.