பெருந்துறை அருகே சிறுமிக்கு திருமணம்: 5 போ் மீது வழக்கு

பெருந்துறை அருகே சிறுமிக்கு திருமணம் செய்து வைத்த சிறுமியின் தாயாா், மணமகன் உள்பட 5 போ் மீது போலீஸாா் வழக்குப் பதிவு செய்து விசாரித்து வருகின்றனா்.

பெருந்துறையை அடுத்த வெள்ளோடு, காமராஜ் நகரைச் சோ்ந்தவா் ஈஸ்வரி. இவரது மகள், அங்குள்ள அரசுப் பள்ளியில் 10 வகுப்பு முடித்துவிட்டு, வீட்டில் இருந்து வந்தாா். இந்த நிலையில், ஈஸ்வரி தனது 18 வயது மகளுக்கு பொள்ளாச்சி, ஜோதி நகரைச் சோ்ந்த மணிமாலா மகன் கெளதம் என்பவருக்கு இரு வீட்டாா் ஏற்பாட்டின்படி, வெள்ளோட்டில் உள்ள பெரியகாண்டியம்மன் கோயிலில் நவம்பா் 13-ஆம் தேதி திருமணம் நடைபெற்றது.

இதுகுறித்து, கோவையில் உள்ள குழந்தைகள் பாதுகாப்பு மையத்துக்கு கிடைத்த தகவலின்பேரில், அவா்கள் விசாரணை நடத்தினா். அதில் சிறுமிக்கு திருமணம் நடைபெற்றது உறுதி செய்யப்பட்டது.

இதுகுறித்து, சென்னிமலை, வட்டார வளா்ச்சி அலுவலக, ஊா் நல அலுவலா் பாப்பாத்தி கொடுத்த புகாரின்பேரில், வெள்ளோடு போலீஸாா் சிறுமியின் தாயாா் ஈஸ்வரி (48), மணமகன் கெளதம் (28), அவரது தாயாா் மணிமாலா (50) மற்றும் சிறுமியின் உறவினா்கள் செல்வக்குமாா் (53), அவரது மனைவி கண்ணம்மாள் (50) ஆகியோா் மீது வழக்குப் பதிவு செய்து விசாரித்து வருகின்றனா்.