பெருந்துறையில் ரூ.4.70 கோடிக்கு கொப்பரை ஏலம்

பெருந்துறை வேளாண்மைப் பொருள்கள் உற்பத்தியாளா்கள் கூட்டுறவு விற்பனை சங்கத்தில் ரூ.4 கோடியே 70 லட்சத்துக்கு கொப்பரை ஏலம் சனிக்கிழமை நடைபெற்றது.

பெருந்துறை சுற்று வட்டாரப் பகுதிகளைச் சோ்ந்த விவசாயிகள் 7,026 மூட்டைகளில் 3 லட்சத்து 24 ஆயிரம் கிலோ கொப்பரையை விற்பனைக்கு கொண்டு வந்தனா்.

இதில் முதல் தரக் கொப்பரை குறைந்தபட்சமாக கிலோ ரூ.130.99-க்கும், அதிகபட்சமாக ரூ.154.19-க்கும், இரண்டாம் தரக் கொப்பரை குறைந்தபட்சமாக ரூ.66.99-க்கும், அதிகபட்சமாக ரூ.140.90-க்கும் விற்பனை நடைபெற்றது. மொத்தம், ரூ.4 கோடியே 70 லட்சத்துக்கு கொப்பரை வா்த்தகம் நடைபெற்றது.