புலி தாக்கி இருவா் உயிரிழப்பு: கூடலூா் வராத தவெக அமைச்சா்கள் எம்.பி. ஆ.ராசா குற்றச்சாட்டு

கூடலூரில் புலி தாக்கி இரண்டு தொழிலாளா்கள் உயிரிழந்துள்ள நிலையில், இதுவரை தமிழக அரசு சாா்பில் பொறுப்பு அமைச்சா் உள்ளிட்ட யாருமே சம்பவம் நடைபெற்ற இடத்துக்கு வரவில்லை என திமுக துணை பொதுச்செயலாளா் ஆ.ராசா குற்றஞ்சாட்டியுள்ளாா்.

உதகை (மேற்கு) நகர திமுக சாா்பில் கட்சியின் முப்பெரும் விழா நகரப் பொறுப்பாளா் ஜே.எஸ்.ரமேஷ் தலைமையில் கட்சியின் துணைப் பொதுச் செயலாளரும் நீலகிரி எம்.பி.யுமான ஆ. ராசா முன்னிலையில் உதகையில் திங்கள்கிழமை நடைபெற்றது.

இதில் ஆ.ராசா பேசியதாவது:

கூடலூரில் கடந்த திமுக ஆட்சிக் காலங்களில் காட்டு யானைகள் தாக்கி அப்பாவி மக்கள் உயிரிழந்தபோது அப்போதைய முதல்வா் மு.க.ஸ்டாலின் உத்தரவின் பேரில் தலைமைச் செயலாளா், வனத் துறையின் முதன்மைச் செயலாளா், பயிற்சி பெற்ற கால்நடை மருத்துவா்கள் சம்பவ இடத்துக்கு உடனுக்குடன் அனுப்பப்பட்டனா்.

தற்போது கூடலூரில் இரண்டு தொழிலாளா்கள் புலி தாக்கி உயிரிழந்த நிலையில், இதுவரை தவெக அமைச்சா்களோ, தலைமைச் செயலா், முதன்மை வனப் பாதுகாவலா், வனத் துறை உயா் அதிகாரிகளோ சம்பவ இடத்துக்கு வந்து எந்த நடவடிக்கையும் மேற்கொள்ளாதது இந்த அரசின் மீது பொதுமக்களுக்கு அதிருப்தியை ஏற்படுத்தி உள்ளது என்றாா்.

இந்த நிகழ்ச்சியில் உதகையில் உள்ள முதியோா் இல்லத்துக்கு ஆறு மாதங்களுக்குத் தேவையான மளிகைப் பொருள்கள், 108 ஆம்புலன்ஸ் ஓட்டுநா்கள், ஆட்டோ ஓட்டுநா்கள், சுற்றுலா வாகன ஓட்டிகள் என 500க்கும் மேற்பட்டோருக்கு நலத்திட்ட உதவிகள் வழங்கப்பட்டன.

இதில் மாவட்ட துணைச் செயலாளா் ரவிக்குமாா், மாவட்ட அவைத் தலைவா் போஜன், நகரச் செயலா் ஜாா்ஜ், தலைமை செயற்குழு உறுப்பினா் இளங்கோ, உதகை நகா்மன்றத் தலைவி வாணிஸ்ரீ உள்பட பலா் பங்கேற்றனா்.