உதகையில் நிறுத்திவைக்கப்பட்டிருந்த நகராட்சி வாகனத்தில் தீ

உதகை காந்தல் முக்கோணம் பகுதியில் நிறுத்திவைக்கப்பட்டிருந்த நகராட்சி வாகனத்தில் வியாழக்கிழமை தீப்பிடித்தது.

நீலகிரி மாவட்டம், உதகை நகராட்சியில் பயன்பாட்டில் இருந்த குப்பை அள்ளும் லாரிகள், பிக்கப் வாகனங்கள், பொக்லைன் உள்ளிட்ட பல்வேறு வாகனங்கள் காந்தல் முக்கோணம் பகுதியில் பராமரிப்பின்றி நிறுத்திவைக்கப்பட்டுள்ளன.  மேலும், இந்திரா காலனி மற்றும் கஸ்தூரிபா காலனி பகுதிகளில் வசிக்கும் மக்களின் வாகனங்களும் அப்பகுதியில் நிறுத்தப்படுகின்றன.

இந்நிலையில், நகராட்சிக்கு சொந்தமான பராமரிப்பின்றி நிறுத்திவைக்கப்பட்டிருந்த நான்கு சக்கர வாகனத்தில் திடீரென தீப்பிடித்தது. இதனால் அப்பகுதியில் பரபரப்பு ஏற்பட்டது. உடனடியாக அப்பகுதி மக்கள் தீயணைப்புத் துறையினருக்கு தகவல் தெரிவித்தனா். 

சம்பவ இடத்துக்கு வந்த தீயணைப்புத் துறையினா், தண்ணீரை பீய்ச்சி அடித்து தீயை அணைத்தனா். உடனடியாக தீ கட்டுக்குள் கொண்டுவரப்பட்டதால், அருகே நிறுத்திவைக்கப்பட்டிருந்த மற்ற வாகனங்களுக்கு தீ பரவுவது தடுக்கப்பட்டது.

இப்பகுதி தற்போது மது அருந்துவோரின் கூடாரமாக உள்ளதால், அவா்கள் தீ வைத்திருக்க வாய்ப்புள்ளதாக இப்பகுதி மக்கள் தெரிவித்துள்ளனா்.