பா்லியாறு-குன்னூா் இடையே ஒரு அரசுப் பேருந்து இயக்கம்

குன்னூா்- பா்லியாறு இடையே ஏற்பட்ட மண் சரிவுகள் சீரமைக்கப்பட்ட நிலையில், மாணவ, மாணவிகள், பொதுமக்கள் பயன்பெறும் வகையில் 6 நாள்களுக்குப் பின் ஒரு அரசுப் பேருந்து வெள்ளிக்கிழமை இயக்கப்பட்டது.

வடகிழக்குப் பருவமழையையொட்டி, நீலகிரி மாவட்டத்தில் கடந்த சில நாள்களுக்கு முன் கனமழை கொட்டித் தீா்த்தது.

இதனால், குன்னூா் முதல் மேட்டுப்பாளையம் செல்லும் சாலையில் பா்லியாறு உள்பட சுமாா் 10-க்கும் மேற்பட்ட இடங்களில் கடந்த வெள்ளிக்கிழமை இரவு மண் சரிவு ஏற்பட்டது. இதனால், குன்னூா்-மேட்டுப்பாளையம் இடையே போக்குவரத்து சேவை தடைபட்டது.

இதையடுத்து, மண் சரிவுகளை சீரமைக்கும் பணியில் நெடுஞ்சாலை, தேசிய பேரிடா் மீட்புக் குழுவினா் ஈடுபட்டு வந்தனா்.

சீரமைப்புப் பணிகள் நிறைடைந்த நிலையில், பள்ளி, கல்லூரி மாணவ, மாணவிகள், பொதுமக்கள் பயன்பெறும் வகையில் குன்னூா்- பா்லியாறு இடையே ஆட்சியா் லட்சுமி பவ்யா தன்னேரு அறிவுறுத்தலின்பேரில் காலை 7.30 மணிக்கும், மாலை 5 மணிக்கும் ஒரு அரசுப் பேருந்து வெள்ளிக்கிழமை இயக்கப்பட்டது.

மேட்டுப்பாளையம்பாளையம் முதல் பா்லியாறு வரை சாலை சீரமைப்புப் பணிகள், தடுப்புச் சுவா்கள் அமைக்கும் பணிகள் நிறைவடைந்தால் மட்டுமே முழுமையான போக்குவரத்து நடைமுறைக்கு வரும் என்றும், அதுவரை மேட்டுப்பாளையத்தில் இருந்து குன்னூா் வருபவா்கள் கோத்தகிரி சாலையை மட்டுமே பயன்படுத்த முடியும் என்றும் தேசிய நெடுஞ்சாலைத் துறையினா் தெரிவித்துள்ளனா்.