உயர் மின் அழுத்தம்: தொலைக் காட்சி பெட்டிகள் சேதம்

தாராபுரம் அருகே உயர் மின் அழுத்தம் ஏற்பட்டு 50-க்கும் மேற்பட்ட தொலைக்காட்சி பெட்டிகள் வெள்ளிக்கிழமை சேதமடைந்தன.

தாராபுரம் அருகே கொளத்துப்பாளையம் பேரூராட்சிக்கு உள்பட்ட ராமமூர்த்தி நகரில் வெள்ளிக்கிழமை காலை மின் தடை ஏற்பட்டது. அதன் பின்னர், சிறிது நேரத்தில் வீடுகளுக்கு மும்முனை மின்சாரம் வழங்கப்பட்டது. இதையடுத்து உயர் அழுத்த மின்சாரத்தினால் அப்பகுதியில் 50-க்கும் மேற்பட்ட தொலைக்காட்சி பெட்டிகள் வெடித்து சேதமடைந்தன.

இதுகுறித்து தகவலறிந்த மின்வாரிய அதிகாரிகள் சம்பவ இடத்துக்கு விரைந்து சென்று மின் இணைப்பை துண்டித்தனர். அதன்பின் சுமார் 1 மணி நேரத்திற்கு பிறகு சீரான மின்சாரம் விநியோகிக்கப்பட்டது.