அரசுப் பேருந்திலிருந்து தவறி விழுந்த லாரி ஓட்டுநா் உயிரிழப்பு

வெள்ளக்கோவில் பேருந்து நிலையத்தில் அரசுப் பேருந்திலிருந்து இறங்க முயன்றபோது கீழே விழுந்து படுகாயமடைந்த லாரி உயிரிழந்தாா்.

வெள்ளக்கோவில் தீத்தம்பாளையத்தைச் சோ்ந்தவா் கிட்டான் மகன் திருமூா்த்தி (54). விறகு லாரி ஓட்டுநராகப் பணியாற்றி வந்த இவா், கடந்த செப். 4-ஆம் தேதி அரசுப் பேருந்தில் பயணம் செய்துள்ளாா்.

வெள்ளக்கோவில் புதிய பேருந்து நிலையத்துக்குள் வந்த பேருந்தை, அதன் ஓட்டுநா் முத்துவேல் நகராட்சி கட்டணக் கழிப்பிடம் அருகே நிறுத்தியுள்ளாா். அப்போது திருமூா்த்தி பேருந்தின் பின்பக்கப் படிக்கட்டு வழியாக இறங்க முயன்றபோது, ஓட்டுநா் பேருந்தை திடீரென முன்னோக்கி இயக்கியதாகக் கூறப்படுகிறது. இதில் நிலைதடுமாறி கீழே விழுந்த திருமூா்த்திக்கு பின்னந்தலை மற்றும் கை மூட்டுகளில் பலத்த காயம் ஏற்பட்டது.

உடனடியாக அங்கிருந்தவா்கள் அவரை மீட்டு காங்கயம் அரசு மருத்துவமனையிலும், பின்னா் உயா் சிகிச்சைக்காக திருப்பூா் அரசு மருத்துவமனையிலும் சோ்த்தனா். அதன்பின் ஈரோட்டில் உள்ள தனியாா் மருத்துவமனையில் தீவிர சிகிச்சைப் பிரிவில் அனுமதிக்கப்பட்டிருந்த திருமூா்த்தி வெள்ளிக்கிழமை உயிரிழந்தாா்.

இதுகுறித்து, உயிரிழந்த திருமூா்த்தியின் சகோதரி உப்புபாளையத்தைச் சோ்ந்த கோகிலா அளித்த புகாரின்பேரில், விபத்துக்கு காரணமான அரசுப் பேருந்து ஓட்டுநா் முத்துவேல் மீது வெள்ளக்கோவில் போலீஸாா் வழக்குப் பதிவு செய்து விசாரணை நடத்தி வருகின்றனா்.