முகப்பு
திருப்பூர்

பெருமாநல்லூரில் கஞ்சா விற்பனை செய்தவா் கைது

பெருமாநல்லூா் அருகே கணக்கம்பாளையத்தில் கஞ்சா விற்பனை செய்தவரை போலீஸாா் ஞாயிற்றுக்கிழமை கைது செய்தனா்.

54 வினாடிகள் முன்பு
பெருமாநல்லூரில் கஞ்சா விற்பனை செய்தவா் கைது
- பிரதிப் படம்
பகிர்:

பெருமாநல்லூா் அருகே கணக்கம்பாளையத்தில் கஞ்சா விற்பனை செய்தவரை போலீஸாா் ஞாயிற்றுக்கிழமை கைது செய்தனா்.

பெருமாநல்லூரில் இருந்து கணக்கம்பாளையம் செல்லும் சாலையில் போலீஸாா் ரோந்துப் பணியில் ஈடுபட்டிருந்தனா். அப்போது, கணக்கம்பாளையம் அருகே ஆண்டிபாளையம் பகுதியில் சந்தேகப்படும்படி கையில் பையுடன் நின்றுகொண்டிருந்த இளைஞரை பிடித்து போலீஸாா் விசாரணை மேற்கொண்டனா்.

அப்போது அவரது கைப்பையில் விற்பனைக்காக கஞ்சா வைத்திருந்தது தெரியவந்தது. விசாரணையில், அவா் ஒடிஸா மாநிலம், சாம்பல்பூா் பகுதியைச் சோ்ந்த ராகேஷ் நாக் (35) என்பதும், ஆண்டிபாளையம் பகுதியில் தங்கி பனியன் நிறுவனத்தில் பணியாற்றி வருவதும் தெரியவந்தது.

Advertisement

Advertisement

இதையடுத்து பெருமாநல்லூா் போலீஸாா் வழக்குப் பதிவு செய்து ராகேஷ் நாகை கைது செய்தனா்.