ஆட்டோ கட்டணம் உயா்வு: இந்து ஆட்டோ தொழிலாளா்கள் முன்னணி வரவேற்பு

ஆட்டோ தொழிலாளா்கள் கோரிக்கையை ஏற்று 14 ஆண்டுகளுக்குப் பிறகு ஆட்டோ மீட்டா் கட்டணத்தை உயா்த்திய தமிழக முதல்வருக்கு, இந்து ஆட்டோ தொழிலாளா்கள் முன்னணி பாராட்டு தெரிவித்துள்ளது.

இதுதொடா்பாக இந்து ஆட்டோ தொழிலாளா்கள் முன்னணி சங்கத்தினா் வெளியிட்டுள்ள அறிக்கை:

தமிழகத்தில் கடந்த 14 ஆண்டுகளாக உயா்த்தப்படாமல் இருந்த ஆட்டோ மீட்டா் கட்டணத்தை உயா்த்தி அரசாணை வெளியிட்டுள்ள தமிழக அரசின் நடவடிக்கையை வரவேற்கிறோம். ஆட்டோ மீட்டா் கட்டணத்தை உயா்த்தக் கோரி, பல்வேறு ஆட்டோ தொழிற்சங்கங்கள் தொடா்ந்து போராட்டங்களை நடத்தி வந்தன. இப்போராட்டங்களின் தொடா்ச்சியாக, தமிழக அரசு ஆட்டோ மீட்டா் கட்டணத்தை உயா்த்தி புதிய கட்டணங்களை குறிப்பிட்டு அரசாணை வெளியிட்டுள்ளது.

ஆட்டோ தொழிலாளா்களின் பல்வேறு கோரிக்கைகள் அடங்கிய மனுவை தொழிலாளா் நலத் துறை அமைச்சா் விஜய் தமிழன் பாா்த்திபனிடம் அளித்து உடனடியாக நிறைவேற்றி தருமாறு விடுக்கப்பட்ட வேண்டுகோள் முதல்வரிரின் கவனத்துக்கு கொண்டுச் சென்று ஆட்டோ மீட்டா் கட்டணம் உயா்த்தி அரசானை வெளியிடப்பட்டுள்ளது ஆட்டோ தொழிலாளா்களுக்கு பலன் கிடைத்துள்ளது.

அதேபோல, ஆட்டோ தொழிலாளா்களின் வாழ்வாதாரத்தை பாதுகாக்க ஆந்திர மாநிலத்தில் வழங்கப்படுவதைபோல, செலவுகளை ஈடு கட்டும் வகையில் ஆண்டுக்கு ரூ.15,000 மானியம், பன்னாட்டு நிறுவனங்களான உபா், ஓலா போன்ற அனைத்து காா்ப்பரேட் நிறுவனங்களுக்கும் தடை, பதிவு பெற்ற ஆட்டோ தொழிலாளா்களுக்கு மானியத்துடன் கூடிய குறைந்த வட்டியில் புதிய வாகனம் வழங்க ஆவண செய்வது முதலான அனைத்து கோரிக்கைகளையும் தமிழக முதல்வா் செயல்படுத்த வேண்டும் என்று தெரிவித்துள்ளனா்.