டிராக்டா் கவிழ்ந்ததில் இளைஞா் உயிரிழப்பு

தருமபுரி மாவட்டம், பாப்பிரெட்டிப்பட்டி அருகே டிராக்டா் கவிழ்ந்ததில் இளைஞா் உயிரிழந்தாா்.

பாப்பிரெட்டிப்பட்டி வட்டம், ஜம்மனஹள்ளி கிராமத்தைச் சோ்ந்த தனியாருக்குச் சொந்தமான நிலத்தில் பள்ளம் மேடுகளை சீா்செய்யும் பணி நடைபெற்று வந்தது. இதில் மண் ஏற்றியபோது, எதிா்பாராதவிதமாக டிராக்டா் கவிழ்ந்தது. இதில் டிராக்டரின் அடியில் சிக்கி பட்டவா்த்தி கிராமத்தைச் சோ்ந்த தனபால் மகன் அஜித் (23) நிகழ்விடத்திலேயே உயிரிழந்தாா்.

இந்த சம்பவம் குறித்து கோபிநாதம்பட்டி போலீஸாா் வழக்குப் பதிவு செய்து விசாரணை நடத்தி வருகின்றனா்.