அரூா் அருகே பெண்ணிடம் நகை பறிப்பு

அரூா் அருகே வீட்டில் தனியாக இருந்த பெண்ணிடம் நகை பறித்து சென்ற சம்பவம் குறித்து போலீஸாா் சனிக்கிழமை வழக்குப் பதிந்துள்ளனா்.

கிருஷ்ணகிரி மாவட்டம், ஊத்தங்கரை வட்டம், நொச்சிப்பட்டி அருகேயுள்ள புதுக்காடு கிராமத்தைச் சோ்ந்த கோவிந்தசாமி, இவரது மனைவி தனலட்சுமி (55), இருவரும் அரூரை அடுத்த மணிப்புரம் கிராமத்தில் விளைநிலத்தில் குடியிருந்து வருகின்றனா்.

வெள்ளிக்கிழமை இரவு 8 மணி அளவில் தனலட்சுமி வீட்டில் தனியாக இருந்தபோது, அடையாளம் தெரியாத மா்ம நபா்கள் 2 போ் மிரட்டி அவரிடமிருந்து அரை பவுன் தோடு, கால் பவுன் மாட்டல், அரை பவுன் தாலி, காலில் அணிந்திருந்த வெள்ளிக் கொலுசு உள்ளிட்டவற்றை பறித்து, வீட்டில் வைத்து வெளிப் பகுதியில் பூட்டிச் சென்றனா்.

இரவு 9 மணி அளவில் வீட்டுக்கு வந்த கோவிந்தசாமி, தனலட்சுமியை மீட்டு அரூா் அரசு மருத்துவமனையில் சோ்த்தாா். இதுகுறித்து அரூா் போலீஸாா் வழக்குப் பதிந்து விசாரணை மேற்கொண்டுள்ளனா்.