கிருஷ்ணகிரியில் செப்.30-இல் அஞ்சலக ஓய்வூதியர்கள் குறைதீர் கூட்டம்

கிருஷ்ணகிரியில் வரும் 30-ஆம் தேதி அஞ்சல் கோட்ட அளவிலான ஓய்வூதியர்கள் குறைதீர் கூட்டம் நடைபெறும் என கிருஷ்ணகிரி கோட்ட அஞ்சல் கண்காணிப்பாளர் கோபிநாதன் தெரிவித்தார்.

இதுகுறித்து அவர், திங்கள்கிழமை வெளியிட்ட செய்திக்குறிப்பு:

கிருஷ்ணகிரி தலைமை அஞ்சல் அலுவலக வளாகத்தில் உள்ள அஞ்சல் கோட்ட கண்காணிப்பாளர் அலுவலகத்தில் வரும் 30-ஆம் தேதி காலை 10 மணியளவில் கோட்ட அளவிலான ஓய்வூதியர்கள் குறைதீர் கூட்டம் நடைபெறுகிறது. எனவே, ஓய்வூதியர்கள் தங்களுக்கு ஏதேனும் குறைகள் இருப்பின், தங்களது புகார்களை டங்ய்ள்ண்ர்ய் அக்ஹப்ஹற் என தபால் உறையின் மீது எழுதி, அஞ்சல் கோட்ட கண்காணிப்பாளர், கிருஷ்ணகிரி கோட்டம், கிருஷ்ணகிரி - 635 001 என்ற முகவரிக்குச் சென்று சேரும்படி அனுப்புமாறு கேட்டுக்கொள்ளப்படுகிறார்கள்.

மேலும், அதில் ஓய்வூதியக் கணக்கு எண், ஓய்வூதியம் தொடர்பான பிற விவரங்கள் அனைத்தையும் முழுமையாகக் குறிப்பிட வேண்டும். நீங்கள் அனுப்பும் புகார்களில் ஓய்வூதியம் தொடர்பான குறைகளை முழு விவரங்களுடன் குறிப்பிட்டு எழுத வேண்டும்.