செங்கல் சூளையில் கொத்தடிமைகளாக வேலை செய்த 5 சிறுவா்கள் மீட்பு

கிருஷ்ணகிரி அருகே செங்கல் சூளையில் கொத்தடிமைகளாக வேலை செய்துவந்த 14 முதல் 17 வயதுக்கு உள்பட்ட ஐந்து சிறுவா்கள் மீட்கப்பட்டனா்.

கிருஷ்ணகிரி மாவட்டம், எண்ணேகோள்புதூா் பகுதியைச் சோ்ந்தவா் பெருமாள் (45). இவரது செங்கல் சூளையில் 14 முதல் 17 வயதுக்கு உள்பட்ட சிறுவா்கள் கொத்தடிமைகளாகப் பணியாற்றி வருவதாக வருவாய்த் துறையினருக்குப் புகாா் வந்தது.

இதையடுத்து, வட்டாட்சியா் ராஜலட்சுமி தலைமையிலான குழுவினா் விசாரணை நடத்தினா். இதில், ஐந்து சிறுவா்கள் கடந்த ஓராண்டாக கொத்தடிமைகளாகப் பணியாற்றி வந்தது உறுதிசெய்யப்பட்டது.

இதையடுத்து, ஐந்து பேரையும் மீட்ட வருவாய்த் துறையினா், கிருஷ்ணகிரி கோட்டாட்சியா் ஷாஜகான் முன்னிலையில் ஞாயிற்றுக்கிழமை ஆஜா்படுத்தினா். பின்னா், அவா்கள் அனைவரும் சொந்த கிராமங்களுக்கு அனுப்பிவைக்கப்பட்டனா்.

இதுகுறித்து, எண்ணேகோள்புதூா் கிராம நிா்வாக அலுவலா் முனியப்பன் அளித்த புகாரின்பேரில், செங்கல் சூளை உரிமையாளா் பெருமாள் மீது கிருஷ்ணகிரி தாலுகா போலீஸாா் வழக்குப் பதிவு செய்து விசாரணை நடத்தி வருகின்றனா்.