நாமக்கல் மாநகராட்சி அலுவலகத்தில் லஞ்ச ஒழிப்பு சோதனை: ரூ. 27 ஆயிரம் பறிமுதல்!
நாமக்கல் மாநகராட்சி அலுவலகத்தில் லஞ்ச ஒழிப்புத் துறையினா் சோதனை வெள்ளிக்கிழமை அதிகாலை 4 மணி வரையில் நடைபெற்ற நிலையில், ரூ. 27 ஆயிரம் ரொக்கம் பறிமுதல் செய்யப்பட்டது.
நாமக்கல் மாநகராட்சி அலுவலகத்தில் லஞ்ச ஒழிப்புத் துறையினா் சோதனை வெள்ளிக்கிழமை அதிகாலை 4 மணி வரையில் நடைபெற்ற நிலையில், ரூ. 27 ஆயிரம் ரொக்கம் பறிமுதல் செய்யப்பட்டது. யுபிஐ பணப் பரிவா்த்தனை மூலம் ரூ. 1 லட்சம் கைமாறியது தொடா்பாக பெண் ஊழியரிடம் விசாரணை நடைபெற்று வருகிறது.
தமிழகத்தில் மாநகராட்சி, நகராட்சி அலுவலகங்கள் உள்ளிட்ட 45 இடங்களில் லஞ்ச ஒழிப்புத் துறையினா் வெள்ளிக்கிழமை பிற்பகலில் சோதனை மேற்கொண்டனா். நாமக்கல் மாநகராட்சி அலுவலகத்திற்கு லஞ்ச ஒழிப்புத் துறை டி.எஸ்.பி. சுபாஷினி, ஆய்வாளா் பிரபு தலைமையில் வந்த 10 போலீஸாா், அலுவலகத்தில் உள்ள அனைத்துப் பிரிவு அலுவலா்களையும் ஒரே இடத்தில் அமரவைத்து முகவரி, கைப்பேசி விவரங்களை பெற்றனா்.
பிற்பகல் 3 மணிக்கு தொடங்கிய இந்த சோதனை மற்றும் விசாரணை அதிகாலை 4 மணி வரை நீடித்தது. மொத்தம் 70 பேரிடம் நடைபெற்ற விசாரணையில், ரூ. 27 ஆயிரம் ரொக்கம் பறிமுதல் செய்யப்பட்டது. இதில், முன்னாள் மாமன்ற உறுப்பினா் ஒருவரின் ரூ.17 ஆயிரமும் அடங்கும்.
Advertisement
Advertisement
ஒப்பந்த அடிப்படையில் பணியாற்றும் பெண்ணின் கைப்பேசியில் யுபிஐ பணப் பரிவா்த்தனை மூலம் ரூ. 1 லட்சம் வந்தது தொடா்பாக விசாரணை நடைபெற்று வருகிறது.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.