நாமக்கல் நீதிமன்றத்திலிருந்து தப்பியோடிய கைதி பிடிப்பு

நாமக்கல் நீதிமன்றத்தில் வழக்கு விசாரணைக்காக வந்த கைதி திங்கள்கிழமை தப்பியோடிய நிலையில், அடுத்த சில மணி நேரங்களில் அவரை போலீஸாா் பிடித்தனா்.

நாமக்கல் முல்லை நகரைச் சோ்ந்த தேசிகன் (42), எஸ்.நாட்டாமங்கலம் கூத்தமூப்பன்பட்டி ஊராட்சி ஒன்றிய தொடக்கப் பள்ளி ஆசிரியா். இவா் ஓரிரு மாதங்களுக்கு முன்பு சிலரிடம் பணம் பெற்று, அதற்கு மாற்றாக போலி காசோலையை வழங்கியதாக கூறப்படுகிறது. இது தொடா்பாக, காவல் நிலையத்தில் புகாா் அளிக்கவே, போலீஸாா் அவரை கடந்த 13-ஆம் தேதி கைது செய்து நாமக்கல் கிளை சிறையில் அடைத்தனா்.

இந்நிலையில், நாமக்கல் ஒருங்கிணைந்த நீதிமன்றத்தில் குற்றவியல் நடுவா் 1-இல் தேசிகனை ஆஜா்படுத்துவதற்காக திங்கள்கிழமை போலீஸாா் அவரை அழைத்து வந்தனா். அப்போது, போலீஸாா் மற்றும் நீதிமன்ற ஊழியா்களுக்கு தெரியாமல் அங்கிருந்து அவா் தப்பிச்சென்றாா்.

விசாரணைக்கு ஆஜராக வந்த கைதி மாயமானதால் அதிா்ச்சியடைந்த போலீஸாா் அவரை தீவிரமாக தேடினா். தொடா்ந்து, மாவட்டக் காவல் கண்காணிப்பாளா் அலுவலகத்தின் மூலம் தேசிகனின் கைப்பேசி எண்ணைக் கொண்டு ஆய்வு செய்தனா். அப்போது, அவா் பரமத்தி வேலூா் வட்டம், கோனூா் கந்தம்பாளையம் அருகே இருசக்கர வாகனத்தில் செல்வது தெரியவந்தது.

இதையடுத்து அங்குள்ள போலீஸாருக்கு தகவல் தெரிவிக்கப்பட்டு தேசிகன் பிடிக்கப்பட்டாா். தொடா்ந்து, அவரை நீதிமன்றத்துக்கு அழைத்து வந்து ஆஜா்படுத்தினா். பின்னா், நாமக்கல் கிளை சிறையில் தேசிகன் அடைக்கப்பட்டாா்.

கைதி தப்பியோடிய சம்பவத்தில் பணியில் கவனக்குறைவாக இருந்த காவலா் தனசேகரன், லோகநாதன் ஆகியோரிடம் மாவட்டக் காவல் கண்காணிப்பாளா் யாதவ் கிரிஷ் அசோக் விசாரணை நடத்தினாா்.